١٠ محلات لحم بعجين تجربوهن بلبنان!

مين عبالو لحمة بعجين؟ اللحم بعجين إلها أصولها، ما بتكمل من دون عصرة حامض، دبس رمان، لبن عيران، ورشة حر! لكل محبي اللحم بعجين، شوفوا معنا ١٠ محلات لتجربوا لحم بعجين بتشهي بلبنان.

١. فرن إيشخانيان

فرن أرمني بحضر لحم بعجين على الطريقة الأرمنية التقليدية من سنة ال1946 مع البهارات والخلطات المميزة يلي بتلبقلها. عندن أكتر من نوع لحمدجون من كل الأحجام وبأسعار مقبولة.

الزلقا: 586 717 04
زقاق البلاط: 178 375 01

٢. الحلاب، كل الفروع

عندو لحم بعجين طرابلسية غير شكل، مع لحمة دسمة ومغطسة بدبس الرمان. ولا أطيب من هيك. 

الرقم: 1881

٣. فرن الأشرفية، ساحة ساسين

هيدا الفرن بقدم أطيب المعجنات والمناقيش ومن الطعمات الطيبة عندن اللحم بعجين مع تتبيلة غير شكل.

الرقم: 990 551 81

٤. فرن العادل، البوار

فرن معروف بالمنطقة إنو بحضر أطيب أصناف المناقيش والمعجنات والفطاير والطعمة التقليدية عندو غير شكل، بحضرلكن لحم بعجين سخنة طازة من الفرن دغري.

الرقم: 807 448 81

٥. فرن بعينو، صربا

لحم بعجين مع تتبيلة غير شكل ورشة حامض وقنينة عيران بتلاقوها ناطرتكن عند هالمحل وعندو كل المناقيش الكلاسيكية يلي بتحبوها وكمان سندويشات راب بالعجين.

الرقم: 1547

٦. فرن مرشاق

هالفرن صرلو من سنة 1868 بيعجن وبيخبز وبقدم مناقيش بتاكلوا صابيعكن واراها. حتى عندن صاروخ منقوشة متل صاروخ العكاوي والسبانغ وصاروخ الشنكليش والبيبيروني. غير هيك عندن منقوشة لحم بعجين وفيكن تطلبوها مع دبس الرمان كمان أو تاكلوها بطبق الكومبو.

البترون: 050 740 06
الجميزة: 060 444 01

٧. لحماجون، بيروت

بيعمل لحم بعجين مميزة وعلى أصولها، كل فطيرة مليانة ومحشية لحمة منيح، ومع لبن عيران بارد، بتطلع أكلة غير شكل!

الرقم: 576 135 70

٨. فرن الصبايا، عمشيت

هل فرن بيشبه البيت، عندو قعدة مهضومة متل قعدة الضيعة بحضروا مناقيش ومورقة ولحم بعجين بتطلع سخنة من الفرن ومع عصرة حامض من حواضر البيت.

الرقم: 880 112 03

٩. فرن عبيد، سن الفيل

بحال عبالكن لحمة بعجين طازة أو حابين تجربوا الطعمات المختلفة، فرن عبيد بيقدملكن أطيب المخبوزات والمعجنات بسن الفيل.

الرقم: 415 481 01

١٠. الفرن اللبناني، الأشرفية

ما فينا نحكي عن اللحم بعجين من دون ما نحكي عن الفرن اللبناني. بيعمل اللحمة مميزة وعلى أصولها، كل منقوشة مليانة ومحشية لحمة منيح، والمعروف إنو بيعمل أنواع مختلفة من العجين والمكونات المميزة.

الرقم: 807 337 01

شوفوا كمان، جربوا البوظة ع فحم وبوظة ع بوشار عند هالمحل بلبنان!