٧ مسلسلات أثرت بطفولة كل لبناني من جيل التسعينات

بعض المسلسلات اللبنانية القديمة اشتقنالها كتير ومنحبها، بتضل مزروعة بذاكرتنا وبيجي عبالنا نرجع نحضرها لو قد ما حاضرينا من قبل، بتضل جزء من طفولتنا وخصوصي جيل التسعينات يلي ربي بهالفترة على الدراما الكوميدية بلبنان.

١. مريانا

مين ما بتذكر هل مسلسل الشهير يلي كانت كل العيلة تجتمع لتحضر هل مسلسل كل نهار تلاتا بعد الأخبار ومنو انطلق أشهر الممثلين اللبنانيين نحو النجومية متل كارول الحاج، سيرين عبد النور، نهلا داود ويوسف حدادا. حبكة المسلسل ذكية وأحداثو شيقة وتميز بوجود اللكنة الجبلية.

٢. غريبة

من أجمل المسلسلات اللبنانية يلي كنا نتابعها نحنا وزغار، كلنا حبينا وقتها ثنائية سيرين عبد النور وعمار شلق يلي لعبت في دور “كارلا” حبيبة “رؤوف” النايب وفاتت على قلوب الكل بسبب جمالها ونعومتها وموهبتها ورقتها، وحبينا كتير حبكة المسلسل وكنا ننطرو مناطرة وضلت غنيتو براسنا.

٣. جميل وجميلة

من أقدم المسلسلات الكوميدية لجورج خباز، حقق نجاح كبير بوقتها وانعمل منو عدة أجزاء، أما القصة فكانت كتير مهضومة بتحكي عن جميل القصير ويلي مش كتير حلو لي اتجوز بنت طويلة وكتير حلوة: “لا عريض ولا طويل، هيي حلوة وطويلة، هوي بالإسم جميل وهيي فعلاً جميلة.

٤. أحلى بيوت راس بيروت

من أشهر المسلسلات اللبنانية على الإطلاق، بعدنا لهلق بس نسمع الغنية منرجع منحن لإيام الطفولة الحلوة. هل مسلسل بيحكي عم قصة إم احتضنت طلاب الجامعة ببيتها وصارت تسمع همومن ومشاكلن، هل مسلسل يعتبر من روائع الراحل مروان نجار وصار جزء من أرشيف الزمن الجميل. 

إذا حابين تشفوا وين صاروا نجوم هالمسلسل، اضغطوا هون. 

٥. بنات عماتي وبنتي وأنا

هالمسلسل لاقا شعبية كبيرة وقت عرضو وانعمل منو فيلم كمان، بيحكي عن قصة حب بتجمع معلمة مطلقة عندها بنت بعدا بتحب جوزا، بيتخلل المسلسل أحداث كوميدية ومضحكة.

٦. غنوجه بيا

مسلسل تعلق في كل جيلنا وجيل أهلنا، بيتميز بجمال وخفة دم رنا بركات يلي كانت عايشة كل حياتها غنية وفجأة لاقت حالها فقيرة بطل معا مصاري تصرف متل قبل من بعد ما فلس بيا، بتنغرم بطارق فياض الشب الواعي يلي بجرب يساعد بيها كل هل فترة بس رنا ما بتصدقو وبتضل تهرب منو وتتهمو بإفلاس بيها.

٧. عبدو وعبدو

سيت كوم زرع عوجنا البسمة طيلة فترة عرضو وبعدنا لليوم منحضر الإعادة تبعو. لي كنا نحبو بالمسلسل إنو كل حلقة بتحكي قصة شكل وكل قصة بتضك أكتر من التانية وفيها مغامرة جديدة لولاد الخالات.

٨. فاميليا

عندو تلات أجزاء وكل جزء مليان بالأحداث الشيقة أكتر من التاني، بيحكي عن قصة ست صحافية حبت رجال ذكوري قدرت تغيرلو نظرتو للمرأة، بيتخلل المسلسل أحداث كوميدية ودرامية شيقة بتدور حول الحياة اليومية لطلاب الجامعة بلبنان.

شوفوا كمان، تيتا لبنانية تعلمت السواقة بعمر 82 سنة.