جربوا الفتة مع الكبة بلبن عند هالمحل!

يلي بحب الترويقة المحرزة والفخمة ويلي بحب الكبة صار في يدوق أطيب طبق بيجمع التنين سوا على الترويقة وبحيلا وقت وقت بالنهار.

طبق فتة الكبة بلبن بتلاقوا عند أبو شادي صاحب الإختراعات بالأكلات الشعبية بجبل الديب.

هالمطعم اللبناني بيستقبلكن عبكرا أو بحيلا وقت بالنهار، هوي محبوب كتير بالمنطقة وصرله فاتح أكتر من 35 سنة، بدوقكن أطيب أصناف الترويقة المعمولين على الطريقة البيتوتية متل البليله، بيض العيون، المسبحة واختراعات متل فتة المكدوس وبيض مع ليه غنم، أطباق شهية شغل الشيف شادي!

الفتة والبيض معمولين بكل شطارة وطعمتن بتجنن وصحونو مغنجة بالزيت الزيتون والخضرا الطازة والمكسرات، مع خبز محمص وأطيب الإضافات البلدية ومش من السوق: منظر وريحة بشقوا القلب لتبلشوا نهاركن صح.

تخايلوا معنا: كبة كباب محشية، شوية حمص، لبن، ونعنع على الوج ومكسرات ومغطاية بالزبدة الدايبة.

فيكن كمان تطلبوا الفتة العادية أو الفتة الكويتية، مسبحة، بيض عيون، فول، حمص وغيرن من الأطباق البلدية والقروية.

قدي مغرومين بالفتة وطعمة اللبن لي فيها؟ صار فيكن تاكلوها مع شي كتير بيلبقلها لي هوي الكبة، بتغمسوا لقمة الخبز بصحنكن وبتاكلوا لتشبعوا.

جربوها وخبرونا شو رأيكن! صحتين!

العنوان: جل الديب
الرقم: 011 117 76

شوفوا كمان، ٣ محلات طاووق على الفحم بلبنان.