١٢ مطعم مميز ببيروت ع غدا العيد مع العيلة

فرحة العيد من بعد شهر كامل من الصيام بتلاقوا بالسفرة الطيبة والجمعة الحلوة. إذا عم تبرموا ع مطاعم ع عيد الفطر، لقينالكن ١٢ مطعم مميز ببيروت ع غدا العيد مع العيلة.

1. بيت كنز, سرسق

بيت بيروتي رائع بديكور تقليدي وأكل طيب. تعوا عيشوا الاجواء، وكملوا قعدتكن بطبق فتة الشيش برك.

الرقم: 098 777 81

2. مطعم لقيس فارم, قنطري

مش بس بتلاقوا عند لقيس فارم أطيب صفيحة بعلبكية، بس كمان مختلف أطباق اللحوم من أفضل المزارع. عندن قعدة واسعة بتناسب العيل كمان.

الرقم: 027 100 70

3. فيلوكا، راس بيروت

عبالكن غدا ع منظر البحر؟ ما تبرموا كتير وميلوا ع مطعم فيلوكا على البحر. مأكولات بحرية طيبة، ومازة شهية، وإذا جايبين معكن ولاد عندن منيو خاصة إلن!

الرقم: 200 742 01

4. مايريغ، الجميزة

مع ديكور الحجر القديم ومنيو رائعة، مطعم مايريغ هو من أماكننا المفضلة ببيروت للإستمتاع بوليمة أرمنية ع أصولها من أطيب النكهات!

الرقم: 227 228 03

5. مرشاق، وسط بيروت

مرشاق رح يقدملكن تجربة غدا نهار عيد غير شكل ببيروت مع قعدتو الملونة والمازة الطيبة اللي بيعملها!

الرقم: 885 988 78

6. Persian Cup، عين المريسة

هالمطعم المكنكن واحد من الأماكن القليلة بلبنان اللي فيك تستمتعوا بأطباق فارسية تقليدية. جربوا غدا من كباب، أطباق رز بالزعفران وغيره من الأطباق الإيرانية الشهية!

الرقم: 136 370 01 – 147 796 70

7. كافيه سانترفيل، وسط بيروت

عندن منيو للأكل بتناسب الكبار والولاد، وإذا في شي ما لازم تفوتوا هي الشاورما اللي عندن!

الرقم: 994 990 01

8. دار بيروت ،جميزة

مطعم تراثي بياخدكن ع الستينات ببيروت، عندن أطيب الطبخات اللبنانية والأكلات التراثية اللي ممكن تجربوها ع العيد.

الرقم: 888 011 76

9. لوريس، الجميزة

الديكور راقي من جوا وقعدة التراس مميزة كتير ع غدا العيد! وكمان الخدمة عند لوريس دايماً ممتازة. مننصحكن تجربوا أطباق الحمص،المحمرة، كبة، والبطاطا حارة، و التحلاية أكيد المعمول بالجبنة!

الرقم: 568 567 01 – 622 600 70

10. La Tavola، عين المريسة

هالمطعم بتلاقوا فرعو الأول بمنطقة سليم سلام، وعن جديد فتحوا فرع بعين المريسة، بس حافظوا على أكلن اللذيذ والمحبوب! المطعم موجود بقلب بيت تقليدي جميل مقابل البحر، فيكن تتلذذوا بأطيب الأطباق اللبنانية، التحلاية، الأرغيلة، والأجواء المميزة

الرقم: 959 985 81

11. ريتاج، الأشرفية

مطعم مميزة بقعدة مليانة خضار وجنينة. استمتعوا بأطيب سفرة ع غدا العيد جنب نافورة الميّ و ع الجو الحلو!

الرقم: 100 030 71

12. أمالين، وسط بيروت

إذا عبالكن غدا ع عيد الفطر ما بينتسى مع عيلتكن وأحبابكن، مطعم أمالين جايبلكن أطياب البقاع وتعانيل ع وسط بيروت لتستلذوا بالطعم التراثي الإستثنائي.

الرقم: 000 900 81

شوفوا كمان، هيك أسعار كيلو المعمول عند أشهر المحلات بلبنان!