أنواع الأشخاص يلي بتلتقوا فيهن بالسوق بلبنان

بس تروحوا على السوق بتشوفوا أشكال وألوان وعنجد في ناس بتوبوا الروحة على السوق من وراها قد ما جلقة. أكيد رح بتلتقوا بوحدة من هالشخصيات بس تنزلوا على السوق!

١. الحربوق يلي بضل بشارع ساعة ليعملولو سعر

هيدا بحياتك ما تتحارج معو لأنو أكيد رح تخسر.

٢. يلي بيجي بس ليتفرج وبفلفش الدني لصاحب المحل وبالآخر ما بيشتري شي

بيقلب المحل من فوق لتحت وبالآخر بقول لصاحب المحل “عذبناكن”

٣. يلي بيوقف على الفترين نص ساعة عم يتأمل وما بفوت على المحل

٤. يلي بدو يصور القطعة يلي بدو يشتريها للسليلة كلها قبل ما يقرر يشتري

٥. يلي بكون ما بدو يشتري وعطول بقول نفس الجملة ليتهرب: عندي برمة زغيرة وبرجع

٦. يلي بيشتري كل تيابو بالدين وبضل مقضيها عم بقسط

شو بالو مرتاح

٧. يلي جايي يفتح حديث مع صاحب المحل وينق على الغلا بتحسوا عشوي جايي يعمل زيارة وبدو فنجان قهوة

٨. يلي بفوت وبقش المحل كلو وما في يسيطر عحالو

حماس زايد

٩. يلي بيبرم السوق كلو شي خمسين مرة وبيرجع ليشتري نفس القطعة

“أنا ذوقي صعب”

١٠.يلي بحط معاشو كلو بالمحل وما بيتأثر

١١. يلي بيجي بيتفرج على الأسعار، بصوفر وبفل

“ع فكرة شفت نفس القطعة بالمحل هيداك وأرخص ب ٣ مرات”

١٢. يلي ما بيدعس بالسوق غير وقت الsale

١٣. يلي جايي يقارن هالمحل بالمحل لقبلو بكل ثقة

١٤. يلي معو ولاد وبضل ملبك فيهن

١٥. يلي جايي بس ليعمل كزدورة ويقعد بالAC وعامل حالو مهتم

شوفوا كمان، ١٠ شغلات رح تفهمها إذا كنت أكبر ولد بالعيلة بلبنان.