بتتذكروا شو كان أول مقال على بيروت.كوم؟

معقول تتذكروا؟

^{Credits: Flickr}

يوم ٣٠ آب 2017 مش يوم عادي بالنسبة لبيروت.كوم بالعربي بهاليوم بالذات، حطينا أول حجر أساس بمسيرة طويلة وعريضة وصرنا أول موقع رسمي بيكتب باللبناني!

أول مقال نشره موقعنا بيروت.كوم كان سنة 2017 يعني قبل الأزمة وقبل الإنفجار وقبل كل شي، بلشنا وكفينا رغم كل شي وكان المقال بيحكي عن ٥ مساحات خضرا لازم تزوروها بلبنان.

هالمقال بوقتها فات على قلب كل مين قري ببساطتو وخفتو ولأن الأسلوب يلي في عبر عن جمال لبنان باللغة المحكية من دون مبالغة بالوصف أو استخدام كلمات صعبة ومعقدة.

وبقلب المقال بتلاقوا المواقع الخضرا يلي ممكن تزوروها بقلب لبنان لتعيشوا لحظات ما بتنتسى وتتنشقوا هوا نضيف بعيد عن تلوث وعجقة المدينة والضجة يلي ما بتخلص.

هالمقال كان أول رسالة حب من موقع بيروت.كوم بينقلكن ياها، وهي إنو نحنا هون لنشجع السياحة الداخلية ونضوي على جمال بلدنا والطبيعة والمناظر الخلابة ولنعرفكن على القصص الجديدة يلي عم بتصير بالبلد والمحلات يلي عم تفتح والمهرجانات والأسعار أول بأول ونعرفكن على كل زاوية من لبنان وعلى الجواهر المخفية لي بعد مش مكتشفينها وعلى النشاطات فيكن تعملوها بعيد عن السياسية ووجعة الراس، يلي هني سبب لإيماننا وبقائنا بهالبلد رغم كل شي في مشاكل وأزمات، بس كمان نحنا هون كرمال نضحكن ونوصل صورة مهضومة عن العيلة اللبنانية ولننقل أخبار شعبنا الحلوة وحتى المرة لأن نحنا بلبنان رح نضل عطول مع بعض على “الحلوة والمرة”.

بيروت.كوم هوي الموقع يلي برافقكن كل يوم وبخليكن تحسوا إنو لبنان رغم كل شي بيستاهل نضل نحبو ونضل في وبرجعلكن كل ذكريات طفولتكن الحلوة.

صار عندكن حشرية تقروا أول مقال لبيروت. كوم أم بعد؟ كبسوا على عالرابط هون.

شوفوا كمان، ١٢ شغلة بتصير بكل حلقة من ع أمل.