وصل ملك الطاووق ع كندا، والمغتربين اللبنانية طاروا من الفرحة

من بعد ما اكتسح باريس، وصل ملك الطاووق على كندا وتحديداً على مونتريال وحزروا شو: ما بقي حدا من الجالية اللبنانية بكندا ما تحمس على الموضوع.

وهيك اجتمعت كل الجالية اللبنانية لترحب بهالمحل الشهير يلي ما حدا ما بحبوا بلبنان، جايب معو طعمة لبنان ومش بس هيك، عملولو حفل افتتاح مميز للمطعم مع دي جي وأكل كتير وسندويشات على الماشي مع إكسترا توم.

عند ملك الطاووق بمونتريال، فيكن تستمتعوا بنفس المنيو المعروف والمحبوب بلبنان، سعر سندويش الطاووق الوسط 10.5 دولار كندي (يعني حوالي 8.3$ امريكي). أما الكبيرة فسعرها 12.5 دولار كندي (حوالي 9.9 دولار امريكي).

هلق الفود بلوغرز يلي جربوا ملك الطاووق بكندا، عم بقولوا إنو الكمية كريمة وكبيرة والطعمة متل طعمة لبنان هي ذاتها.

@gracehaddadz This tawouk sandwich is a must try! #montreal #montrealfood #mtlfood #mtl #canada #foodtiktok #montrealplaces #malakaltawoukmontreal ♬ Lovin On Me – Jack Harlow

ملك الطاووق صار عندو 35 فرع بلبنان ومش بس هيك، اقتحم أكتر من دولة بالعالم متل الإمارات، أبيدجان، العراق وقطر وفرنسا وهلق فات على مونتريال من الباب العريض وحامل معو طعمة لبنان والنكهة اللبنانية الأصيلة وين ما بروح.

@iftecent Trying out a new #halal spot called @malakaltawoukmontreal located in Montreal only! Definitely worth the wait especially for #iftarr #munchies #montrealhalalfood #montrealfood #shawarmalovers #malakaltawouk #lebanesetiktok ♬ Dance You Outta My Head – Cat Janice

ملك الطاووق مش بس جايبلكن طعمات طيبة، سندويشات وبرغر ووجبات بيتوتية لذيذة، جايبلكن كمان ريحة لبنان على الغربة، وين ما كنتو رح بتتذكروا لبنان وقعدات لبنان والأصحاب وسندويشات الطاووق آخر الليل والدلفيري والسرسرة والتمشايات والضهرات يلي لو قد ما سافرنا بتضل محفورة بذاكرتنا وبتذكرنا ببلدنا الحبيب.

إذا كنتوا مغتربين لبنانيين وعايشين برا، أي مطعم لبناني عبالكن يفتح بمنطقتكن؟ خبرونا بالكومانتس.

شوفوا كمان، هيك أسعار كيلو المعمول عند أشهر المحلات بلبنان.