١٥ شغلة بتصير بكل بيت لبناني نهار عيد الكبير!

ما في أحلى من فرحة العيد وأجواء العيد والأكل الطيب والجمعة الحلوة، كرمال هيك رح نخبركن اليوم عن القصص يلي بتصير بكل بيت لبناني نهار عيد الكبير.

١. أكيد كل العيلة بتجتمع على الغدا نهار الأحد وأهم شي إنو الغدا مشاوي وكتير لحمة ودجاج

٢. بتجتمع العيلة الكبيرة كلا عند التيتا والجدو على الغدا والكل بعيد الكل

٣. بعد الغدا ببلش ماتش تفقيس البيض

^{Credits: Anadolu}

٤. بتمسعوا مية معايدة بالنهار joyeuses pâques وكلو بدو يبوس كلو ويقول pareillement

٥. كل النهار زيارات والبيت بصير عاجوج ماجوج

٦. ركوة قهوة رايحة وركوة قهوة جايي

٧. البيت بكون مزين كلو بيض العيد وزينة العيد وألوان العيد

٨. كل شوي تلفون معايدة من القرايبين

٩. بكل بيت في حدا مهضوم بقرر يجيب صيصان ملونين وبصيروا يغزلوا بالبيت بس بيرجعوا بموتوا تاني نهار والكل بيزعل

١٠. وأهم شي بالعيد وأفخم شي بالعيد كلو هوي أهم حدث بالكرة الأرضية: المعمول بتمر وجوز ولوز وكعك العيد والملبس

١١. البيوت الكلاس بحطوا شجرة العيد وبعلقوا فيها بيض

١٢. الولاد لابسين تياب جداد والكل مبسوط وعم يتصور

١٣. والضيوف بجيبوا معن هدية شوكولا ع شكل بيضة كبيرة بتنعرض بالصالون وما حدا بيسترجي يدق فيها

١٤. الولاد بيطلعلن عيدية حرزانة

١٥. على طول في شخص بعيّد عيد الكبير مرتين

عقبال كل سنة! انشالله نضل نعيش هل إيام الحلوة كل سنة يا رب!

شوفوا كمان، هيك أسعار كيلو المعمول عند أشهر المحلات بلبنان!