١١ مطرح ربيعي رح ينسيكن إنكن ببيروت

مع انو لبنان روعة بفصل الربيع، بس مش كلنا فينا نروح مشوار برّات بيروت لننبسط بالطبيعة. كرمال هيك، إخترنالكن ١١ مطرح ربيعي رح ينسيكن إنكن ببيروت.

1. فيلا كلارا، صيفي

هالمكان بمنطقة صيفي الساحرة مشهور أديه مليان حياة وعندو جاذبية خاصة لكل زواره. مطرح مثالي لكل حدا عم يفتش ع محل يشرب قهوة ع رواق بين الورود أو ينبسط بغدا بين أجواء ربيعية.

2. لو جاردن، الأشرفية

حديقة سرية مخباية بين الشجر بقلب بيروت! سواء عبالكن تقعدوا مع أصحابكن وتسردوها مع جو حلو، أكل خفيف، وموسيقى، هيدا المكان المثالي!

الرقم: 076 343 03

3. بوكيه ديليسيو، بدارو

محل للورود وكافيه قمة الرومانسية! مطرح بتحسوا داخلوا بالربيع ع مدار السنة، ومن أول ما تدخلوا بتستقبلكن ريحة الورود والزهر ع أنواعو، مع الحلويات بالشكولا والقهوة الطيبة.

الرقم: 291 201 03

4. إيدا أرابيكا، كليمنصو

هالمطرح بيجمع بين كافيه للقهوة المختصة من كل العالم، محل ورد، ومتجر بنفس الوقت. كافيه Edda Arabica عندن قعدة برا تحت دفى الشمس، كمان عندن أحلى قسم للورد لتشتروا بوكيهات للناس اللي بتحبوهن. 

5. Union Marks، برج حمود

مطرح مغمور بالخضار ببرج حمود، معروف انو بيقدم واحد من أطيب البرغر ببيروت مع مشروبات وأجواء حيّة!

الرقم: 255 100 71

6. بوب إن، الأشرفية

هالمطرح الجديد بالأشرفية عندو ديكور ساحر وجنينة صغيرة ومريحة عشان تستمتعوا بقهوتكن. على الرغم من إنو ما في كتير خضار، بس لازم تزوروه أد ما لطيف.

7. أباجور، عدلية

البيت القديم اللي صار كافيه بقدم أطيب أكلات لبنانية تقليدية، وعندو لمسة بيروتية معاصرة بتكمل الجو العتيق. الديكور اللطيف والكراسي الخارجية تحت الشجر كتير رح تريحكن. وكمان بيعملوا حفلات موسيقية مسلية ببعض الليالي، يعني خليكن ع السمع عبر صفحتن على السوشال ميديا.

الرقم: 954 952 70

8. بيت، مار مخايل

هالكافيه عبارة عن جنينة ومساحة ثقافية و مطرح ربيعي رح ينغرموا فيها كل محبي الطبيعة. بيت هو أكتر كافيه عندو قعدة بالطبيعة ببيروت، عندو جو بيروتي قديم وقعدة بلكون رومانسية بتطل ع مار ميخايل.

9. جنينة الخواجة، الأشرفية

إذا عبالكن تستمتعوا بغدا لبناني ع الأصول الشمالية، هالمطعم بيقدملكن هيك سفرة مع أحلى قعدة بين الخضار!

الرقم: 569 444 76

10. فندق الألبرغو، الأشرفية

مكان رومانسي بديكور أكتر من رائع مع حديقة رح تنسيكن إنكن ببيروت. ألبيرغو هو مكان ضروري تجربوا بمنطقة الأشرفية لترفهوا عن حالكن وتبعدوا عن الضجة.

الرقم: 797 339 01

11. مكان، مار ميخايل

هالمحل الثقافي بيفوت ع قلب كل حدا بيحب الطبخ الآسيوي والطبيعة! قعدتن البيوتية برا هي مكان ممتاز لترتاحوا من عجقة المدينة وتقعدوا بعلمكن الخاص.

الرقم: 057 954 70

شوفوا كمان، ٨ محلات ربيعية لازم تزوروها بلبنان!