“شو بقوص؟”: تعرفوا على البرغر يلي ب-150$ بلبنان

يمكن تعودنا شوي على غلى المعيشة والأسعار الخيالية، بس ما في شي ممكن يحضرنا لنستوعب خبرية البرغر ب-150$! عطريق المروج بتلاقوا محل Hostile Kitchen، مطعم مختص باطباق اللحمة وخاصةً البرغر والستيك.

بس لنرجع لموضوعنا: البرغر يلي ب-150$. مع إنو المحل ببرر هيدا السعر بنوعية المكونات يلي بيستعملها، منستغرب إنو في حدا ممكن يطلب هيك طبق بسعر اجار.

إذا رح نحكي عاللبناني، أول سؤال بينسأل هو “شو بتقوص؟” شوفوا معنا شو فيها هاللقمة السحرية.

ال-F3 Fullblood Wagyu مش موجودة على المنيو، بتنعمل بس على الطلب وفيها لحمة ال-MB9 Wagyu يلي هي من أفخر وأغلى قطع اللحمة. وأكيد عليها كمية من كافيار البيلوغا يلي بزيد من سعر هالطبق. ما قصروا ال-food bloggers بلبنان وجربوها عنا!

وأكيد لازم نقول إنو عندهن كتير من أطباق البرغر يلي سعرها مناسب وبتتراوح بين ال-10 و-20 دولار حسب قطعة اللحمة والزوايد.

إذا حابين تزوروا هالمحل، اتصلوا فيهن على الرقم: 115 100 76

فيكن تشوفوا المنيو على هيدا الرابط.

عبالكن برغر؟ شوفوا هالقسم المختص!