٢٦ محل فيكن تاخدوا فيهن أجمل الصور بلبنان!

لبنان بلد غني بالمناظر الطبيعية الخلابة والمعالم التاريخية والثقافية. قد ما برمنا بلبنان منضل نلاقي كنوز مخباية! اليوم رح ناخدكن على أكتر من محل فيكن تروحوا تصوروا في بس يكون عبالكن تاخدوا صورة حلوة مع أصحابكن أو حبيبكن.

المناظر الطبيعية

لا جيتي، الأرز: منظر روعة على شير وادي قنوبين

سوق دوما الأثري، دوما: بضم العديد من المحلات والدكاكين العتيقة

الجدار الفينيقي، البترون: جدار فينيقي قديم على شط البحر دغري

البحيرات، فالوغا: مجموعة من البحيرات الإصطناعية المناسبة لأجمل الصور واللقطات التذكارية

مار شربل، حمانا: المنظر من تمثال مار شربل بسحر خصوصي وقت المغيب

الملاحات، أنفه: تحفة أثرية على البحر

غابة الصنوبر، بكاسين: غابة صنوبر إلا بداية وما إلها نهاية

بيت الجعلوك، منجز: منزل تاريخي تم ترميمه مؤخرًا ويضم العديد من الأعمال الفنية.

جبل صافي: أجمل المواقع الجبلية يلي ممكن تزوروها بلبنان

المعالم التاريخية والثقافية

مار شليطا، القبيات: دير مار شليطا، أحد اقدم الكنايس، تعمر على آثار معبد رومانسي بالحجارة وقاعد بقلب وادي حلسبان المقدس

درج مار مخايل، الأشرفية: درج ثقافي ملون خرج تقضوا في ساعات

المينا، طرابلس: مينا تاريخي بقلب الميلك البحرية لمدينة طرابلس الأثرية

قصر فريد سرحال، جزين: قصر تاريخي على الطراز العثماني ببلدة جزين

قلعة فقرا، فقرا: قلعة تاريخية مميزة

جسر البردوني، زحلة: جسر تاريخي فوق نهر البردوني المشهور

سيدة الحصن، إهدن: كنيسة سيدة الحصن قاعدة بأجمل موقع بإهدن كلا

سيدة القرن، العاقورة: من فوق هالكنيسة فيكن تشوفوا أجمل منظر لغياب الشمس

متحف نابو، الهري: متحف بضم مجموعة من القطع والتحف الفنية الغريبة

المتحف المهجور، البترون: المتحف البحري يلي كان مفروض يكون الأول من نوع بالمنطقة، وقف استكمالوا بسبب الحرب

الطريق الأثري، شكا: طريق تاريخي قاطع فوق البحر دغري

معمل الحرير، القبيات: معمل حرير قديم تم ترميمه مؤخرًا وبيتمتع بهندسة عريقة

المطاعم والكافيهات

كافي كانديفورنيا، مار مخايل: كازي زهري متل حكايات باربي

قمر، جونية: ما في أجمل من منظر المغيب من هالنقطة

Nippon Sushi، طبرجا: مطعم ياباني قاعد على البحر دغري

مواقع مميزة

شاتو كسارا، زحلة: محل راقي بضم مناظر طبيعية وبساتين ومصنع مشهور للنبيذ، مثالي للصور يلي بتعكس أناقة وفخامة المكان

بحيرة عميق، البقاع: أكبر بحيرة مي عذبة، بتوفر إطلالات خلابة على جبال البقاع المحيطة

قصر الأحلام، الضنية: قصر غريب عجيب جايبلكن أجواء غامضة مثيرة للاهتمام وخرج صور

شوفوا كمان، ٧ متاحف غريبة عجيبة لازم تزوروها حول لبنان!