بوظة زنود الست…ألذ بوظة لشهر رمضان!

ما بتكمل تحلاية رمضان من دون زنود الست! من حشوة القشطة الطيبة، ريحة ميّ الورد الحلوة، للطعم الحلو والقرمشة اللي بتدوب بالتم! اليوم لقينالكن محل Pop Up Treats ببيروت، عم بيقدم بوظة زنود الست خلال شهر رمضان المبارك!

بتلاقوا محل Pop Up Treats تحديداً بقلب شارع باستور صوب الجميزة ومخبيلكن أطيب أنواع ونكهات بوظة ماري كريم. ورذا في طعمة بوظة حابين نجربها خلال رمضان أكيد هي بوظة زنود الست! 

هالبوظة بتقدملكن مزيج منعش رح يفرفح الطفل اللي جواتكن، بتجمع بين طعم الفانيلا الحلو وطعم حلاوة زنود الست بقالب من الماري كريم الطيبة، مع قرمشة بسكوتة البوظة Waffle Cone وال Crunchy pillows، وبيضيف عليها رشة من العسل الطبيعي. رح تستمتعوا بالطعمة الغنية والنكهة المنعشة خصوصي إذا جربتوها بعد الإفطار! خدوا ولادكن أو اعزموا أصحابكن ع هالتحلاية المميزة، وانبسطوا كلكن مع بعض!

والخبرية ما وقفت على بوظة زنود الست، بس كمان محل Pop Up Treats محضرلكن نكهة بوظة رمضانية تانية على فستق! بتتميز انو خالية من السكر، والكريمة مزيج من الفستق، القشطة، العسل، ومع رشة فستق مقرمش! وغير عن الماري كريم، كمان المحل بيقدملكن النكهات اللي بتحبوها ع شكل ميلك شايك بيشهي.

هالنكهات من البوظة موجودة بس خلال شهر رمضان، فلحقوا حالكن قبل ما يخلص الشهر! 

خبرونا، بتحبوا زنود الست؟ ورح بتجربوا هالنكهة من الآيس كريم؟ 

شوفوا كمان، أفخر نوع كنافة نزل ع السوق: كنافة الداعوقية!