٩ محلات سوشي خرج ضهرة مع حبيبكن!

عبالكن ضهرة مع حبيبكن غير عن كل الضهرات؟ إذا جربتوا السوشي أو بعد ما جربتوها، اليوم حبينا نعرفكن على بعض المطاعم يلي بتقدم أكلة السوشي وغيرها من الأكلات اليابانية لتعيشوا أجمل اللحظات وتعملوا ذكريات ما بتنتسى مع حبيبتكن أو حبيبكن.

١. سوشي شي زيرار، الزلقا

هيدا المحل قاعد بقلب بيت وبعلمكن كيف تعملوا سوشي بإيديكن وتستمتعوا بكل خطوة. جو البيت حميم ومزين بشكل رايق بيضفي أجواء رومانسية على سهرتكن. بتحضروا بالمطبخ قطع السوشي الطازة مع ألوان جذابة وطعمة ولا أروع وبتسمعوا موسيقى!

الرقم: 345 797 03

٢. كامي

هيدا المطعم مش بس عم بقدم سوشي فريش، طعمتو مختلفة عن كل اللي جربتوا، كمان القعدة عندن كوزي ومهضومة وخرج ضهرة مع حبيبكن. الأسعار مناسبة وممتازة للجودة اللي بتاخدوها.

الجميزة: 633 611 76
جبيل: 488 885 70

٣. Sushi Star By The Sea، الزيتونة باي

تحفة فنية على طبق! مطعم راقي رح يخطف قلبكن بديكورو المهضوم والفيو على البحر وأطباق السوشي اللي بتشبه تحف فنية من ألوان ومكونات مختلفة. تجربة راقية لعشاق السوشي!

الرقم: 037 700 76

٤. أوساكا سوشي لاونج، مينة الحصن

قضوا ليلة رايقة، رومانسية، ومميزة! إذا عم تنبشوا على جو هادي ومريح مع موسيقى رومانسية تخلي الأجواء حلوة، هيدا المطعم هوي الخيار الأمثل. طعم السوشي ولا أروع، بيدوب بالتم والمشروبات لذيذة.

الرقم: 630 360 01

٥. كومورو

لعشاق التنوع! بقدم كومورو تشكيلة واسعة من أنواع السوشي المختلفة بالإضافة لأطباق تانية صينية لذيذة، أطباق ما فيكن تقاوموها مع مكونات لذيذة وفريش. القعدة على التراس عندن بتفتحلكن نفسكن وبتخليكن تسرحوا بأفكاركن لبعيد.

الجميزة: 633 611 76
جبيل: 488 885 70

٦. Taio، النقاش

تجربة سوشي فريدة من نوعها مع قطع مبتكرة وخلطات شهية، بيتميز هالمحل بتصميم ساحر وديكور المبهر، حتى عندن قعدة بار مع موسيقى لعشاق السهرات الفنية والأجواء الحلوة.

الرقم: 351 630 81

٧. Nippon Sushi، طبرجا

لعشاق الطعم التقليدي الأصيل للسوشي، هيدا المطعم هوي الخيار المثالي. جو رومانسي دافي ومريح، وحتى بيعملوا سهرات ساكسوفون لعشاق الرومانسية، مش بس هيك هالمحل بطل على أجمل منظر على البحر وعندو كمان قعدة ساحرة على التراس رح بتحسسكن بالحب والغرام.

الرقم: 999 417 03

٨. Benihana، الحمرا

جايبلكن تجربة سوشي مميزة مع عروض طبخ مباشرة مع الشيف يلي رح بحضرلكن الأكل بطريقة مسلية ومشوقة. جو حماسي ومليان بالحركة والحيوية وخرج موعد غرامي مليان مغامرات. الأسعار شوي مرتفعة بس بتستاهل التجربة.

الرقم: 443 113 03

٩. Sai Japanese House، الرابية

قعدة رايقة وبتنسيكن همومكن للحظات! مطعم راقي ويعتبر جوهرة مثالية بمنطقة الرابية لتمضاية الوقت مع حبيبكن وأطباقو فخمة. طعم السوشي عندو راقي ومميز مع خدمة ممتازة.

الرقم: 919 161 76

شوافوا كمان، اختراع جديد: ورق عنب مقلي!