ضجة كيت ميدلتون وصلت علبنان: تويتر مولعها!

وين كيت؟ ليش اختفت؟

انتشرت شائعات غريبة حول اختفاء الأميرة كيت ميدلتون، زوجة الأمير ويليام، بعد غيابها عن الأنظار مؤخرًا. بعض الأخبار اعتبرت إنها خضعت لعملية جراحية ببطنها، ورجح البعض إنها قررت تسافر لتقضي عطلة سرية لحالها. بس أولكن شو السبب الحقيقي ورا اختفائها؟

صورة مركبة أثارت الجدل على وسايل التواصل الإجتماعي!

ازدادت حدة الجدل ع الموضوع بعد انتشار صورة لكيت على مواقع التواصل الاجتماعي بتقول إنها رجعت مع عيلتها، لأن لاحظ البعض إنو الصورة مركبة بشكل واضح. واعتبر البعض إنو الصورة قديمة ومأخوذة من تشرين التاني 2023 وتعدلت لتبين جديدة. وهيك الناس بلشت تتكهن وتتخايل شو السبب الحقيقي لاختفاء كيت وشبهوا قصتها بقصة الأميرة ديانا لي اختفت وانقتلت وما حدا قدر يعرف شي عن هاللغز.

نظريات المؤامرة انتشرت على تويتر اللبناني!

ما في شكل إنو هالأحداث أثارت فضول رواد تويتر عنا بلبنان لي بلشوا يطرحوا نظرياتن الخاصة حول اختفاء كيت. من بين هل النظريات:

– كيت عملت عملية تجميل فاشلة وعم بجربوا يزبطولا الوضع

-كيت عم بتعاني من مشاكل نفسية أدت لانسحابها من الحياة الملكية

-صار في خلافات بين كيت والأمير ويليام أدت لانفصالن

-الأمير ويليام خان كيت مع بنت تانية وصار عندو بنت منا

فيديو مسرب أثار المزيد من الشكوك!

وليسكتوا هالاشاعات، سربوا فيديو لـ ويليام وكيت عم يتبضعوا بسوق خضرا، بس الناس ما صدقت أبداً مضمون الفيديو واعتبروا مفبرك وما في ويليام وكيت أصلاً. والبعض اعتبر إنو شكلو ويليام خانها لكيت لهيك هي هربت منو.

هلق جماعة تويتر بلبنان ولا يمكن تقطع علي هيك حادثة علين من دون ما يعملوا جو وينكتوا على الموضوع! لهيك قرروا يفبركوا صور لكيت ويليام بشوارع لبنان من الطريق الجديدة لخلدة لغيرن من المحلات التجارية بطريقة بتموت ضحك. هالقصص صارت تداول على تويتر بشكل سريع وكل واحد صار يفبرك قصة بتضحك أكتر من التانية بطريقة عنجد مبتكرة وكوميدية أظهرت إبداع رواد تويتر اللبناني بالتلاعب بالصور ونسج القصص المضحكة، شوفوا معنا هالتويتات هون وتضحكوا شوي.

شاركونا رأيكن!

وإنتو شو هيي نظريتكن الخاصة حول اختفاء كيت ميدلتون؟ شاركونا رأيكن بخانة التعليقات، وما تنسوا تتشاركوا هالمقال مع أصحابكن لتضحكوا سوا.

شوفوا معنا، بتعرفوا شو كان أول فيلم للشحرورة صباح؟ خلينا نتذكر!