٨ مطارح لتجربوا سحور مميز ببيروت

إذا كنتوا عم تدوروا على مطعم وقت السحور غير شكل مع العيلة والأصحاب، لقينالكن ٨ مطارح لتجربوا سحور مميز ببيروت

1. فول بيتوتي، حارة حريك

فول بيتوتي متخصص بأطباق الفول والحمص والترويقة التقليدية ع أنواعها. المطرح غير شكل تجربوا هالشهر بوقت السحور، وبيفتح للساعة ٤ الصبح.

الرقم: 740 474 71

2. زعتر و زيت، فروع كافة

خلّيها خفيفة ع السحور مع أطباق زعتر وزيت الشهية، معمولة من الزعتر البلدي والزعتر البري، الجبنة، واللحمة بعجين.

الرقم: 1523

3. مزرعة لقيس، شارع القنطاري

من أطيب السحور اللي ممكن تجربوا هو الصفيحة البعلبكية ع أصولها من عند لقيس، بتشبعكن كل النهار وطعمها بيشهي.

الرقم: 029 666 71

4. لا فول، الحمرا

استمتعوا بأطباق فول غنية وشهية من عند لا فول، وعيشوا الترويقة التقليدية اللبنانية بكل كرمها ع سحوركن، كمان كتير مشهورين بالخبز اللي بيعملوا!

الرقم: 306 375 03 – 370 375 01

5. سواي إن، جنب الجامعة الأمريكية ببيروت

كافيه بيضل فاتح ل ٣ الصبح ليقدملكن أشهى المخبوزات والسندويشات مع كباية شاي أو فنجان القهوة ع السحور.

الرقم: 279 642 81

6. ورد الشام، رملة البيضا

ورد الشام عم بستضيف ليالي سحور مع العود، لتستمتعوا بسفرة لبنانية شامية ع أصولها ع أنغام شرقية!

الرقم: 535 352 71

7. GoTango، الحمرا ومعوّض

ناطركن بالسحور سفرة مليانة فول وحمص، مناقيش، لبنة، حلوم، بيض، وأكتر عند GoTango.

الرقم: الحمرا 700 808 01 – معوض 702 555 01

8. سقراط,،شارع أوروغواي

المطعم المحبوب عم يستضيف ليالي العود لأوقات الإفطار والسحور طوال شهر رمضان المبارك!

الرقم: 1530

شوفوا كمان، لقينالكن ١٤ عرض إفطار مميز لشهر رمضان