مين عبالوا الإفطار يكون على البحر الويك-أند؟

الإفطار اليوم على البحر دغري عند مطعم موراي يلي ناطركن بس يأدن. بس توصلوا بيستقبلكن الفانوس السحري وبقدملكن مشروب الجلاب الرمضاني، وبيسحركن الحكواتي يلي بخبركن قصة ومواج البحر تاخدكن لبعيد وبتسمعوا صوتا وبتشوفوا أجمل منظر ممكن تشوفوا لمغيب الشمس.

لا هيدا كلو مش حلم، هيدي هي الأجواء عند Murray Sea View مطرح ما رح يكون في قعدة بتشبه قعدة السلطان من زمان، رقصين صوفيين، فوانيس سحرية مضواية، صاج ولعان ومناقيش طازة وجرن كبة وأكل شي بشهي وريحة بتشق القلب.

الأكل في من كل شي بيخطر عبالكن شو بدنا نحكي لنحكي عنجد بيخلص الحكي قدام سفرة البوفيه المفتوح يلي رح تلاقوها: باستا، كبة، مشاوي، مازة لبنانية، طبخات سخنة وباردة، شاورما، مشاوي، خاروف مدبوح وكل شي بيخطر عراسكن. وهيدا بعد ما حكينا عن الحلو ويا ويلي شو في حلو، كل حلويات رمضان ناطرتكن.

وإذا عبالكن كعكة عصرونية كمان في، ولتغيروا جو رح تشوفوا عروض موسيقية مهضومة كتير مع طبل وفرق لابسة زي رمضان وجو متل حكايات ألف ليلة وليلة.

حتى في بصارة ناطرتكن لتخبركن شو مخبالكن كفكن بالمستقبل القريب والبعيد، يعني بإختصار رح تعيشوا ليلة رمضانية بتسوى العمر كلو.

وهيدا كلو ب30$ على الشخص وأكيد لازم تحجزوا محلكن قبل بوقت!

العنوان: جونية

الرقم: 580 009 81

شوفوا كمان، أسعار إفطار رمضان بأهم المحلات لسنة 2024!