بس بلبنان: ولّدت قطتها فقررت تعملها مغلي!

اللبنانية معودين ع كل مناسبة يعملوا صواني وكاسات من الحلويات! وع حسب العادات بلبنان، قررت مهى التيك توكر اللبنانية تعمل مغلي لأنو بسينتها ولّدت، وشاركتنا هالفيديو المهضوم على مواقع السوشيال ميديا! 

بفيديو كلو هضامة حصد آلاف من المشاهدات والتعليقات على التيك توك، بتفرجينا مهى انو عم تحضر مغلي كرمال قطتها الحلوة اللي اسمها ريا. وريا هي بسينة من نوعية القطط البريطانية قصيرة الشعر المعروفة بلونها الرمادي و خدودها المليانة. مع انو بالفيديو شكلها ريا مش فهمانة شو عم بصير وما بتعرف شو هو المغلي، بس العيلة إحتفلت عنها وعن قططها الزغيرة. شوفوا الفيديو هون:

@mahee.in.lebanon Moghle aka مغلي is a traditional dessert that is made after a woman gives birth 😂 Of course we ate it on Rea’s behalf 🥥 #cat #britishshorthair ♬ Funny – Gold-Tiger

ومن باب الحشرية، حابين نعرف مهى @mahee.in.lebanon  شو رح تسمي بسيناتها الجداد! 

@mahee.in.lebanon Struggled to have them kids 🥲😂 #cats #cute #britishshorthair #fyp ♬ Rose's Turn (Glee Cast Version) – Glee Cast

وكتار من المتابعين شاركوا مهى فرحتها، وحتى علّقوا انو هني كمان بيعملوا مغلي لما تولّد القطة عندن بالبيت:

عدا عن الناس اللي باركولها لمهى بالتعليقات، ونحن منحب كمان نقلها مبروك ويربوا بعزك! 

خبرونا، حبيتوا هالفيديو المهضوم؟

بتحبوا البسينات؟ شوفوا كمان، بالفيديو: بسينة من لبنان حققت مليون مشاهدة بموهبتها