سمعتوا عن أوتوكار المدرسة يلي صار مطعم ببيروت؟

كلنا شايفين بالأفلام هيدا المطعم يلي قاعد بباص وعندو بار كتير مهضوم مع شجر حوالي وبحص وين ما كان. كيف إذا قلنالكن إنو هيدا المطعم في منو عن حقيقة بلبنان؟

مطعم el Camión عبارة عن باص نقال موجود بالأشرفية حد الجعيتاوي، بقدم تجربة غير شكل لكل يلي بحبو يقضوا وقت بس بمحل غير عن كل المحلات.

من أول ما تدخلوا علي هالمطعم رح تحسوا حالكن بغير عالم، بتلاقوا حالكن قاعدين بشي جنينة بأكابولكو بقلب المكسيك… كل شي في بسيط و exotic، وهيدا يلي بحلي.

مطعم “el Camión” عم بقدملكن تجربة طعام مميزة وفريدة من نوعها بنص بيروت. هالمطعم مش مطعم عادي، هوي باص قديم تحول لمكان دافي ونابض بالحياة، بيقدم أكل مكسيكي لذيذ.

وقصتو غريبة ومهضومة، أصحاب المحل عيلة كتير مهضومين قرروا يحولوا جنينة بيتن لمطعم، فيها شجر وبحص وزينة مكسيكية وين ما كان.

والخبرية المهضومة إنو الباص الموجود في المطعم كان أوتوكار بياخدن على المدرسة، اشتروا وفتحوا مطعم.

في قعدات على الكراسي أو على البار، بس أحلى قعدة بالنسبة إلنا هيي على كرسي البار بالباص، عنجد الحكي مش متل الشوفة. أجمل شي القعدة على البار يلي عاملينوا بقلب الباص.

ديكور المطعم مستوحى من الثقافة المكسيكية، مع ألوان قوية وزخارف تقليدية.

مطعم “el Camión” بيقدم أكل مكسيكي أصيل، من الناتشوس والتاكو للبرغر والبوريتو. كل الأكلات محضرة من مواد طازة وبطرق تقليدية، بتخليكن تحسوا كأنكن عم تاكلوا بالمكسيك.

ما في رحلة مكسيكية من دون مارغيريتا! “el Camión” بيقدم أطيب مارغيريتا محضرة على الإيد على الطريقة المكسيكية.

تجربة “el Camión” فعلاً تجربة استثنائية وفريدة من نوعها لازم تجربوها إذا كنتوا حبيبن أو أصحاب لتعملوا ذكريات ما بتنتسى وصراحة المشوار كتير هين والمشروع منو متل غيرو وما بزهق أبداً.

هالمطعم مش بس مكان للأكل، هوي مكان للدردشة وتمضاية الوقت وأخذ أجمل الصور، بتحسوا في بدفا العيلة اللبنانية وكرم الضيافة.

الرقم: 344 417 03

شوفوا كمان، ١٠ محلات ستيك تزوروها ببيروت.