لقينالكن ٥ مطارح بالطبيعة الجبلية هالربيع

عبالكن مشوار ربيعي بإمتياز؟ بالطقس الحلو وتحت دفى الشمس وبين أحضان الطبيعة الخلابة بلبنان؟ عملنالكن برمة قصيرة ع مناطق مميزة بالبلد، ولقينالكن ٥ مطارح بالطبيعة الجبلية هالربيع. 

1. بيت الغابة، بكاسين

بيوت خشب بحضن غابة صنوبر بكاسين لكل محبي قعدات الطبيعة والتخييم. عندن نشاطات و رياضات جبلية متل التسلق و الـ Hiking بالغابة. ناطركن أكواخ خشب مكنكنة ورومانسية، مخباية بين الصنوبر ودروب المشي، ترويقة الصبح ع صوت العصافير وقعدة بعالمكن الخاص. واحد من أجمل مطارح بالطبيعة الجبلية!

الرقم: 222 800 07

2.  Nomads Nature and Nurture، سرجبال

هالمطرح بيقدم تجربة منتجع علاجية بالطبيعة، هدفو يحسسكن بالراحة النفسية والروحانية بقلب طبيعة سرجبال الخلابة. لكل حدا حابب يبعد عن العجقة، يقعد مع حالو، يقضي وقت بالطبيعة، ويعمل نشاطات حلوة ع صوت الغابة والنهر، هالمطرح رح تنغرمو فيه!

الرقم: 709 370 76 

3. سكينة، فتقا

بيت ضيافة مكنكن بحضن الطبيعة، ناطركن على قعدة رواق ومناظر جبلية ساحرة. عندن مطعم بيقدم أكل موسمي وقعدة تراس خيالية، وكمان بيت ضيافة من البيوت التراثية مخبى بين لشجرات، عندو بانيو دافي وتخت مليان ورود لكل العشاق. 

الرقم: 225 522 70 

4. Hideaway Suites، الدبية

إنبسطوا بقعدة جاكوزي دافية مع منظر روعة للغابة عند هالبيت القبة المهضوم. المميز انو عندو قعدة واسعة بتناسب الأصحاب أو العشاق، درب مشي بياخدكن بالمنطقة، ووسايل الراحة ع مناظر روعة بالجبل. 

الرقم: 434 804 81 

5. وود هيلز، ميروبا

بتلاقوا بين صخور ميروبا المنحدرة منتج الأحلام بالصيف والشتي. وود هيلز بيقدملكن أكواخ خشب بتاخدكن ع سويسرا، مخباية بالطبيعة الجبلية الساحرة. بيقدموا أكل طيب وبوفيهات، سهرات ممتعة، وجو إستثنائي لتقضوا أحلى الأوقات. 

الرقم: 786 177 76

أي مطرح من هل مطارح بالطبيعة الجبلية رح تختاروا؟

شوفوا كمان،١٠ بيوت ضيافة وأوتيلات رومانسية لازم تزوروها مع حبيبكن بلبنان!