“يا زهرة الجنوب”…شغلات إشتقنالها بجنوب لبنان

بظرف الأوضاع الصعبة والإعتداءات المستمرة ع قرى ومدن جنوب لبنان الصامدة، كتار من الجنوبيين نزحوا من البلدات الحدودية وحتى البعيدة شوي، وكمان كتار ما قادرين يطلعوا ع الجنوب من ورا القصف اللي عم بيصير. و ع أمل تخلص الحرب ويرجع الوضع أحلى من قبل، قررنا اليوم بهالمقال نحكيلكن عن كم شغلة إشتقنالها أو إشتقنا نعملها بقلب جنوب لبنان، بدءًا من مدخل الجنوب صيدا، مروراً بصور والنبطية، وبعدها منطلع ع جزين وجبل صافي. 

1. سوق السمك بصيدا، الحارة القديمة، والحلو العربي بالسوق العتيق

2. شط صور الرملي، منطقة الناقورة، الآثارات الرومانية، وسندويشة الفتايل من عند محفوظ

3. قلعة شقيف بالنبطية، ريحة تحويشة الكبة الجنوبية، الكنافة من عند الديماسي، وسندويشة الفلافل من عند الأرناؤوط، وأكيد قعدة النهر بوادي حجير 

4. شلالات جزين، النبيد المحلي، وغابة صنوبر بكاسين

5. حفلات الشوي بالطبيعة، الطلعة ع العيشية مع العيلة، ومشاوير بين الغيوم ع جبل صافي

خبرونا، وانتو شو إشتقتوا تعملوا بالجنوب؟ وإذا متابعينا من جنوب لبنان، خبرونا بالكومنتس!

بتحبوا الجنوب وكل شي فيه؟ شوفوا قسمنا هون.