أكتر من مطعم… تجربة: مطعم رومانسي على شكل قطار!

أكيد إنتو بتحلموا يرجع الترامواي على لبنان، ينقلنا من منطقة لمنطقة ونختبر هالشعور الغريب يلي عاشوا جدودنا، بس هلق صار فيكن ترجعوا تعيشوا هاي التجربة بشكل مميز أكتر مع أول مطعم بمنطقة عمشيت على شكل قطار.

تعرفوا على Treno del” Gusto“، أهضم مطعم بلبنان بأيامنا الحالية.

هوي مطعم كتير مهضوم فاتح على طريق عمشيت البحرية ويلي بميز هالمطعم إنو على شكل تران وقريب من البحر وحدو سيارة موديل أنتيكا لتتصوروا حدا بس تجو!

بس تفوتوا رح تسحوا بالجو الدافي وكأكن بشي فيلم هوليوود عم تسافروا على تران عتيق وناطرين تتعرفوا على حب حياتكن…. عندن الديكور رومانسي والأضوية الخفيفة بتحرك المشاعر.

هوي بقدم المطبخ إيطالي يلي رح يسفركن على كل المدن الإيطالية من فينيز لروما لنابولي من خلال أطباقو الايطالية، عندو أشهى أنواع البيتزا متل بيتزا السلمون وبيتزا البريزولا، واستمتعوا بطعمة المكرونة اللذيذة مع طبق tagliatelle alfredo أو gnocchi بالترافل الشهية. أما طبق الستيك فرح ياخدلكن عقلكن من أول كدشة!

البيتزا كتير رح تعجبكن لأن مخبوزة بالفرن قبالكن وحلو التراميسو ما رح تقدروا تشيلوا طعمتوا من تمكن.

خدو حبيبكن لسهرة ممتعة بهالقطار وعيشوا تجربة إيطالية حقيقية.

العنوان: عمشيت، الطريق البحرية
الرقم: 339 229 70

شوفوا كمان، عبالكن كنافة تركية أصيلة بلبنان؟ ما ضروري تسافروا على إسطنبول!