تعرفوا معنا على ١٠ مطاعم بمنطقة الكاسليك!

شارع الكاسليك من الشوارع يلي مليانة مطاعم وكافيهات بمنطقة جونية حد البحر، عندن أكتر من قعدة بتطير العقل، لهيك اليوم جايبينلكن ١٠ من أهضم المطاعم والكافيهات يلي خرج قعدة أصحاب أو حتى مع العيلة والحبيب.

١. رصيفنا

مش مطعم عادي عندن كمان بروغرامات فنية، و الأكل اللبناني كتير لذيذ. تبولة، بطاطا حرة، مشاوي وصحون لبنانية متنوعة عدا عن السندويشات، السلطات، البرغر والبيتزا.

الرقم: 400 777 76

٢. ستيفانو كافي

مطعم وقهوة كتير مميزة على طريق ال ATCL. البيتزا ما بتتفوت، الباستا لذيذة وصحون اللحمة والسمك كمان. القعدة راقية والجو قريب على البحر، فيكن بس تخلصوا أكل تتمشوا على طريق ال ATCL وتهضموا أكلاتكن.

الرقم: 060 204 81

٣. بروفانسيال

جوو حلو بإيام الصيفية لأن القعدة برا مهضومة كتير مع الورود والمقاعد الملونة، أما القعدة بالشتوية جوا كمان مكنكنة حد الشيميني. الأكل تقليدي مع لمسة لبنانية وعندو كمان أطباق من السوشي والمأكولات البحرية لي كتير طيبة.

الرقم: 001 914 09

٤. ليبر ريستوبار

للسهرات الحلوة والأجواء المميزة ما إلكن غير هالمطعم لي فتح جديد. الأكل Fusion يعني خليط من مطابخ مختلفة، عندن بيتزا، سوشي، برغر وصحون عالمية كتير لذيذة والأغاني كتير بسلوا وبيعملوا جو.

الرقم: 567 444 81

٥. ستراند

مطعم لبناني عندو كل شي بيخطر عبالكن، القعدة مهضومة جوا، وبرا عندن قعدة تراس لكل مين عبالوا يفرفح شوي. بقدم أكل لبناني تقليدي مع لمسة عصرية، مازة على أصنافها، مشاوي، أطباق بحرية، وأكيد برغر وبيتزا وقصص كلنا منحبها مع ليستة مشروبات وحلويات.

الرقم: 665 165 81

٦. لو رولي Le Relais

مطعم كتير راقي، المطبخ عندو متنوع من ياباني وإيطالي وعالمي والخدمة مميزة. ستيك فريت، روتي بطاطا بوري والكتير من الحلويلت اللذيذة ناطرتكن مع قعدة دافية ومكنكنة.

الرقم: 360 278 03

٧. البوسطة

مطعم بقدم كل الأكلات لي منحبها من البيتزا والبرغر للباستا بأحجام كبيرة وبتشبع، والولاد خصوصي رح بكيفوا لأن عطول بيعملوا شغلات مهضومة كتير وبتسلي.

الرقم: 700 333 76

٩. بيت السخن

عبارة عن مطعم بيشبه بيت التيتا اللبنانية بأكلو بس قعدتو مهضومة وشرحة بتفرفح القلب. بتطلبوا أكلتكن المفضلة وإذا حظكن حلو بيطلعلكن فنان عم بغني أو فرقة موسيقية. فيكن كمان تجوا تشربوا فنجان قهوة، تلعبوا طاولة أو بس تتحلوا مع الأصحاب وبالصيفية قعدة التراس غير شكل.

الرقم: 133 644 81

١. L’Angolo di Bach

جوهرة إيطالية مخباية جايبتلكن أكلاتكن الإيطالية المفضلة من البيني لجميع أنواع أصناف الباستا المطبوخة والبيتزا المخبوزة. هلق الشي المهضوم عندن غير إنو القعدة كتير مكنكنة وزغتورة مع شراشف حمر وبيض متل شوارع ميلانو، فيكن تنقوا الإضافات لي بدكن ياها على طبقكن كأنكن إنتو الشيف.

الرقم: 619 599 81

شوفوا كمان، ١٠ محلات بتعمل برغر متل برغر كينغ بلبنان!