٧ مطارح بالغابة تزوروها ع أول الربيع

بما انو صرنا ع بواب الربيع، بلشنا نحضر حالنا للضهرات والمشاوير بالطبيعة الخلابة. لقينالكن بهالمقال ٧ مطارح تزوروهن بالغابة ع أول الربيع حول لبنان. 

1. La Becasse، الشبانية

مطعم بقلب كوخ خشبي بغابة الشبانية الساحرة، مخبى بين الصنوبرات وجنيناتو مزروعة ورد وخضار. هالمكان مناسب كتير لضهرات العيلة، وعندو قعدة صوبا دافية ولقمة جبلية ولا أطيب. 

الرقم: 792 491 70 

2. Obois، الخنشارة

هالمطعم رومانسي بيقدملكن قعدة ربيعية مميزة، شاميني وأكل بيدفي البطن جوا، ومنظر رائع للغابات ع التراس. 

الرقم: 752 345 03 

3. Seven Oaks – عين التفاحة، المتن

هالمطرح عبارة عن بيوت شجرة مكنكنة ومعلّقة بالأغصان، ومغمورة بريحة الخشب والغابة. عندن مساحة حلوة للتخييم والسهر بالطبيعة، عدا عن وسايل الراحة والتدفئة جوا. 

الرقم: 191 934 70

4. The North Pod، مزرعة التفاح 

بيت قبة كلو حلى، قاعد بنص الغابة بالشمال بيقدملكن تجربة إستثنائية و رومانسية. عيشوا لحظات حلوة من قلب عالمكن الخاص لما تشتي الدني أو تتلج، أو لما يكون طقس مشمس. 

الرقم: 001 506 81

5. مطعم و كافيه الأرز، بشري

عبالكن ترويقة أو غدا بقلب غابات الأرز؟ ما إلكن إلا تميلوا على مطعم وكافيه الأرز، مقصد مميز لكل محبي الـ Hiking ورياضة المشي بالطبيعة. انبسطوا بترويقة صاج ولبنة وجبنة مع كباية شاي سخنة، أو غدا مشاوي ولحمة نية وكبة شمالية على ريحة شجر الأرز. والمنظر لما تتلج الدني بياخد العقل!

الرقم: 797 448 70 

6. River Zen، الشوف

عبالكن تجربوا نومة دافية على صوت الطبيعة ورواق الغابة بالشوف؟ هالمكان بعيشّكن عطلة مميزة بقلب بيت بالغابة وجنب النهر، بتتونسوا بمنظر الخضار وقعدة الصوبا الدافية.

الرقم: 716 680 71 

7. بيت الغابة، جزين

لكل محبي قعدة أكواخ الخشب، بيت الغابة عندو قعدة إستثنائية بحضن غابة صنوبر بكاسين، عدا عن انو بيقدم مطعم بأكل لبناني بيجنن، ونشاطات حلوة بالطبيعة. 

الرقم: 222 800 07 

خبرونا، أي قعدة بالغابة رح تختاروا حول لبنان؟

شوفوا كمان،٥ أوتيلات ومنتجعات صحية ممكن تزوروهن بالجبل بلبنان!