تجربة فريدة: مطعم جديد بجبلكن الأكل على السيارات!

شو رأيكن نكتشف تجربة أكل فريدة من نوعها؟

رح نخبركن اليوم عن The Butcher’s Express يلي هوي مطعم جديد تابع للمطعم المميز The Butcher’s Crib، اللي موجود بضيعة ضهور شوير واللي بيتميّز بجوّو وطقسه الرائع.

هيدا المكان مش مجرد مطعم عادي، هلق فتحوا كارافان جديدة، وبيقدموا ألذ المأكولات على طريقتن الخاصة. مش بحاجة تنزلوا من السيارة وبتوصل طلبيتكن على صينية خشب كبيرة ومريحة. بتاكلوا بسرعة إذا كنتوا صافين السيارة وبترجعوا بتكفوا مشواركن على بيروت. هيك بس، تجربة خفيفة نضيفة!

^{Credits: explorernico}

بيجيكن الأكل على صينية نضيفة ومرتبة على السيارة، بتاكلوا وبتتمتّعوا بكل لقمة. مش بس عندن لحمة وبايكن، عندن تشكيلة من السندويشات والبرغر بشكل مختلف، طيبة وخفيفة على الجيبة.

^{Credits: explorernico}

هلق إذا عبالكن تجربة رايقة مع قعدة بمطعم حجر، فيكن تختاروا تاكلوا بالمطعم الخاص يلي لإلن The Butcher’s Crib اللي موجود ببيت صخري مريح بضهور شوير كمان، جنة لعشاق اللحوم!

عندن بتلاقوا ألذ أنواع الضلوع، وأشهى أنواع الستيك والبرغر، مع تتبيلات ولحوم مدخنة أشهى ما يكون!

^{Credits: explorernico}

لازم تجربوا هالمكان إذا زهقتوا من المطاعم العادية وحابين تجربوا شي جديد.

^{Credits: explorernico}

شوفوا كمان، ٦ مطاعم مكسيكية لازم تجربوها بلبنان!