12 شغلة أكيد رح تصير معك لما تكون مفلس

بما إنو صرنا بآخر الشهر وفلسنا، حبينا نشارككن بكل القصص يلي بتصير لما تكون مفلس بلبنان. هاي 12 شغلة أكيد رح تصير معكن. 

1. السيارة بتبلش تضوي وتغني

طن، طن…طن…وال check engine بدور، وبتغمضوا عيونكن وبتعملوا حالكن مش شايفين.

2. كل أصحابكن يلي ما بيلكشوكن طول الشهر بصير عبالهن يضهروا

وين كنتو ب-1 و-2 الشهر لما كنا قاعدين؟

3. الحساسية يلي صرلها شهرين مختفية…

فجأة بترجع ودواها بكلف شي مليون وشوي

4. البيت ببلش يفرط

الغسالة والبراد ناطرينك مناطرة

5. أهلك بيطلبوا منك مصاري

وبتصير مضطر تخبرهن إنو ما معك ولا ليرة (أو دولار)

6. كل محلات التياب بتنزل أجمل قطع 

وكلهن بقياسك!

7. ببطل معكن 3G

يعني حتى اونلاين ما فيكن تتسلوا

8. فجأة صار عيد ميلاد الكل

9. ونص رفقاتك بقرروا يخطبوا

10. والشخص يلي صرله سنة منيملك…

إيه بفيق عليك وصار بده يضهر!

11. بصير أفخم مشوار بتعملوا عند الجيران

12.  بتحسوا الإيام مش عم تقطع وناطرين أول الشهر مناطرة