بالفيديو: بسينة من لبنان حققت مليون مشاهدة بموهبتها

إذا بتحبو الحيوانات متلنا، خصوصي البسينات، كتير رح يبسطكن هالفيديو المهضوم. خلونا نعرفكن على نجمة الأسبوع، سيسي بسينة من لبنان، اللي خطفت الأضواء وحققت أكتر من مليون مشاهدة بلبنان!

سيسي إنشهرت من بعد ما حساب فرد من عيلتها اللبنانية، مريم فارس، ع التيك توك M.Fares00 نشر فيديوهات عديدة لإلها هي وعم ترقص وتزقف وتتدرب. 

@m.fares00

♬ original sound – M.Fares00

ومجرد ما نزلت الفيديوهات، حققت مشاهدات عالية وتفاعلات مهضومة من المتابعين على حركات بسينة سيسي اللي بتفرفح وبتخليكن تضحكوا من جوات قلبكن. كتار حبوا يعرفوا كيف يعلموا بسيناتن هالحركات:

وغيرن علّقوا بالنكت: 

البسينة سيسي تعلمت ترقص وتزقف مجرد ما تسمع “سيسي بدها قشقوان” أو “سيسي يلا زقفي”. وكل اللي عندن بسينات بيعرفوا أديه صعب تدريب البسينة بالأساس. بس سيسي مستعدة توقف ع إجريها وتزقف وترقص بس كرمال جبنة القشقوان، وللصراحة، معها حق لأنو طيب القشقوان. مش مصدقين؟ حضروا الفيديو اللي كلو هضامة هون:

@m.fares00

♬ original sound – M.Fares00

و البسينة سيسي إنضمت لمجموعة من الحيوانات الأليفة من لبنان اللي صاروا نجوم ع السوشيال ميديا، مع البلبل كوكو اللي موهبتو الغنا مع صاحبو، و كلب الهاسكي كاسبر اللي بيحب ستو اللبنانية أد الدني وكتير معلّق فيها، وحتى الببغاء ليلا والببغاء كوكو اللي بيعرفوا يحكوا لبناني ع القد. 

خبرونا، أديه مهضوم الفيديو؟ وإذا عندكن حيوانت أليفة بالبيت بموهبة غريبة أو مهضومة، شاركونا الصور والفيديوهات!