بتصدقوا في تيكتوكر بتعمل reviews للحمامات بلبنان؟

صراحة آخر شي توقعناه بهيدا البلد إنو نلاقي حدا عم يبرم على الحمامات بالأماكن العامة ويعملنا review على وضع الحمامات يلي بكتير من الإيام بكون مزري.

كارن فرح تيكتوكر ولا أهضم من هيك عم تبرم على الحمامات بالمطاعم والمحلات وحتى بالجامعات يلي عم تزورها لتخبرنا عن الوضع، صارت منزلة شي 18 فيديو بتلاقوهن على حسابها على التيكتوك عم توصف فيهن بدقة الوضع!

بحسب ال reviews تبعها المعايير ليكون الحمام نضيف ومرتب هني التالية:

– حنفيات ماشيين: بيفتحوا وبسكروا بشكل طبيعي

– وجود صابون سائل أو صابون عادي

– ضغط مي ممتاز بالحنافيات وكرسة الحمام

– محل لتعليق الغراض وقفل ماشي (ما بعلق) للبواب

– شطافة

أكيد النضافة هي أهم شغلة مفروض تكون موجودة بكل حمام، بس للأسف عدد كبير من الحمامات يلي زارتن كارن ما كانوا مطابقين لهالمعيار الأساسي.

كارن صارت زايرة كتير حمامات، لهيك قررنا نشاركن بعض أفضل الحمامات وأسوأ الحمامات لي زارتها لهلق:

أضرب حمام زارتوا كان حمام الجامعة اللبنانية بالفنار:

@karenfarah_ EPISODE 9! Send me videos of the bathrooms at your unis, i hope they’re better than these… LU students, you’re heroes 😭 #lebanon #fyp #forYoupage #tiktok #lebanontiktok #lebanesetiktok #lebaneseuniversity #tiktokuni #bathrooms #bathroomreview #toilets ♬ Lazy Sunday – Official Sound Studio

أكيد ما تفاجأنا لأن منعرف إنو الدولة اللبنانية هملت قطاع التعليم العام على الآخر من وقت الأزمة لهلق وأكيد مين غير الجامعة اللبنانية وطلابها رح يدفعوا التمن؟

للصراحة، كنا متوقعين حمامات الجامعة اللبنانية تكون سيئة… بس مش ل هالدرجة.

مش بس هيك، قررت كارن تزور كمان غير جامعات متل LAU، AUB، وUSJ من بعد ما الكل طلب منا بالcomments تعطين review عن وضع الحمامات عندن وهيك كانت النتيجة:

@karenfarah_ EPISODE 16! Thank you LAU 🫡🥹 #lebanon #fyp #forYoupage #tiktok #fypシ #lebanesetiktok #lebaneseuniversity #tiktokuni #LAU ♬ Lazy Sunday – Official Sound Studio

وأكيد جماعة الLAU والAUB علقوا بال comments مين الحمام عندو أحسن ودبكوا ببعض.

@karenfarah_ EPISODE 17! Hello to everyone that’s new here, welcome to my journey with toilets. #lebanon #fyp #forYoupage #tiktok #lebanontiktok #beirut #bathroomreview #viral #fypシ ♬ Lazy Sunday – Official Sound Studio

وإذا عبالكن تعرفوا عن وضع الحمامات بشي محل معين وبدكن كارن تزوروا وتعملكن review، ما إلكن غير تروحوا على شي فيديو على حسابها وتخبروها بالcomments عن المحل يلي حابين تزوره. 

شوفوا كمان، بعد الجدل الكبير مع دكتور فود، كاتريكسا نزلت بسكويت جديد.