مشتاقين للصيف؟ لقينالكن ٥ مطاعم مع قعدة دافية عالبحر

لو مش مشتاقين للصيفية، ما كنتوا كبستوا ع المقال! ونحنا متلكن ملهوفين لقعدة البحر والضهرات بالهوايات الحلوين، وهيك نرخيها تحت دفى الشمس. كرمال هيك لقينالكن ٥ مطاعم مع قعدة دافية عالبحر بلبنان!

1. Sē، جبيل

عبالكن تعيشوا عشا رومانسي ودافي هالشتوية دغري ع الشط؟ مطعم سي بجبيل بيقدملكن عشوات بقلب غرفة قزاز ع الرمل، مع شموع وأطباق إيطالية بتشهي. انتو والشريك وصوت الموجات مع كاس نبيد وكنكنة، أديه حلو؟ 

الرقم: 333 111 81 

2. Plage Des Rois، جبيل

العشوات الرومانسية، الجو البحري اللي بيذكركن بالصيفية، مع القعدة المكنكنة ع الشط كلو بتلاقوا عند  Plage Des Rois بجبيل. 

الرقم: 051 810 71 

3. قهوة سنفريان، جونية

قهوة سنفريان مشهورة بمنظر روعة لساحل الجونية! بتتروقوا، بتتغدوا، وبتتعشوا مع قعدة خيالية من فوق البحر. بيقدموا أكل لبناني طيب وجو تراثي من ديكور الزمن الجميل لسهريات العود المميزة. 

الرقم: 055 755 81 

4. الفلمنكي، الروشة

الفلمنكي مطعم بيروتي عتيق بإمتياز مع منظر خيالي ع الروشة، ويعتبر من أجمل المناظر البحرية بلبنان. عندو الترويقة مع البحر وفنجان قهوة، الغدا اللبناني الأصيل مع المشاوي والمازة، وفوق هيك الجو مكنكن ولطيف بالشتي. 

الرقم: 011 808 01 

5. Rays Batroun، البترون

مين قلكن ما فيكن تستمتعوا بجمال شط البحصة البتروني بنص الشتوية؟ لكل حدا مشتاق للصيفية، رايز بالبترون عندو قعدة دافية جوا مع منظر مفتوح ع الشط، وفوق هيك إذا الطقس مشمس ودافي شوي، فيكن تقعدوا دغري جنب الشط!

أي رح بتجربوا من هيدي المطاعم عالبحر؟ 

شوفوا كمان، ٤ مطاعم يونانية لازم تجربوها بلبنان!