٧ مطاعم خرج موعد غرامي بلبنان!

عبالكن تعيشوا لحظة حب مع حبيبكن؟ مسكوا إيد حبيبكن ولبسوا أحلى تياب وتوجهوا على واحد من هالمطاعم يلي خرج موعد غرامي بلبنان.

١. سيزان Cezanne، ضبيه

مطعم رومانسي بإمتياز، قعدتو حجر ساحرة، أكلو طيب كتير – جايبلكن المطبخ الفرنسي اللذيذ وديكوره حلو. حتى القعدة برا على التراس رح تحسسكن بجو الرومانسية على الآخر بس قبل ما تفلوا ضروري تجربوا الحلو لي بيعملوا.

الرقم: 944 441 71

٢. لو رولي Le Relais، الكاسليك

هالمطعم جايبلكن كل الأطباق البحرية والعالمية والسوشي ضمن ديكور راقي. رح تعيشوا تجربة رومانسية مميزة، خاصةً لأن الجو هادي ورومانسي والأكل بكل أنواعو وأشكالو مميز.

الرقم: 109 919 09

٣. É Café، جبيل

هيدا البيت الحجر رح يخليكن تحسوا إنكن قاعدين بقلب بيت قديم وعم تتغزلوا ببعض. عندو أطباق الستيك والبطاطا وقصص بتشهي وكمان صار عندن فوندو على جبنة بالشتوية والقعدة مكنكنة عالآخر.

الرقم: 316 163 03

٤. لونغ يين Long Yin، أدما

مطعم صيني راقي، ديكورو رومانسي وبيطغي علي اللون الأحمر وأكلو مميز. أكيد لازم تدوقوا عندن الحلويات الصينية متل الآيس كريم المقلي والتشيز كايك الفلافي ضمن أجواء بتاخدكن على شانغ هاي، رح تعيشوا تجربة رومانسية جديدة غير يلي معودين عليها وفريدة من نوعها.

الرقم: 854 000 09

٥. بافاغلينو، الأشرفية

عبارة عن مطبخ إيطالي على درج أثري ببيروت وهوي أكتر من هيك جوهرة مثالية لتمضية الوقت مع الحبيب، عندو طاولات مع شراشف بيض وحمر وقطعة بيتزا وتيراميسوا وموسيقى وكومة حب لتعيشوا الرومانسية على الطريقة الإيطالية.

الرقم: 080 091 81

٦. ماريو إي ماريو، مار ميخايل

هالمطعم الإيطالي بيقدملكن الأطباق الإيطالية على جو رومانسي وقعدة كلاسيكة. جربوا الباستا مع المأكولات البحرية، وأكيد ختموا القعدة بلقمة تيراميسو.

بيت بيروتي قديم، بيتميز بقعدة قناطر وديكور إيطالي مكنكن. ناطرتكن أصناف وصحون مختلفة من بلاد البحر المتوسط مع جو دافي.

الرقم: 036 888 76

٧. كوكلي بيسترو، الجميزة

مطعم فرنسي ساحر ، ديكورو رومانسي، وأكلو طيب كتير وأطيب شي عندو الستيك مع مختلف الصوصات والإضافات. رح تقدروا تحكوا هون مع حبيبكن براحة وهدوء وتاخدوا أجمل الصور.

الرقم: 904 912 81

شوفوا كمان، ٥ بيوت ضيافة وأوتيلات بين التلوج بفقرا!