٥ مطاعم قاعدة على راس الجبل بلبنان

شو بدكن أطيب من أكل لبناني ع البركة وطلة بتخلي القلب يطير؟ بلا مقدمات وحكي كتير، خلينا نطلعكن دغري على أجمل منظر ممكن تتخايلوا، ع قمم جبال لبنان الحلوة، ونعرفكن على ٥ مطاعم قاعدة على راس الجبل بلبنان.

١.أون توب On Top، زكريت

هالمحل فتح جديد وعندو فيو خرافي على راس الجبل وهوي عبارة عن بيت خشب مع واجهة مأززة بتكشف على منظر الجبل كلو، في عندن أطباق بيتزا وبرغر ومناقيش وقصص ولا أطيب من هيك مع منظر بحسسكن كأنكن بشي فيلم.

الرقم: 344 484 81

٢. مطعم وأوتيل مطل الوديان، حرار

منظر خرافي على وادي جهنم بطل على أجمل الوديان والجبال وبقدم أشهى وأطيب الصحون اللبنانية متل المازة والمشاوي والعرق. كل هيدا مع قعدة بتطير العقل من حد الشباك بتنسيكن هموم الكرة الأرضية.

الرقم: 487 713 03

٣. الميرادور تربل، المنية

منظر خيالي قاعد على راس الجبل بتربل وجايبلكن كل جمال طرابلس والشمال. بقدم أشهى وأطيب الصحون اللبنانية متل المازة والمشاوي والعرق والطبخات البيتوتية مع منظر خيالي على الجبل.

الرقم: 404 401 81

٤. مطعم الشالوف، جزين

بتلاقوا على راس الجبل وقاعد حد شلالات جزين، بقدم أكل لبناني بشهي مع إطلالة روعة ومنظر مغمور بالشجر والغيوم على بعد نظركن.

الرقم: 774 781 07

٥. باب الهوا، إهدن

مطعم لبناني متخصص بالمأكولات اللبنانية التقليدية لي كلنا محبها وعندو فيو تاريخي على الوادي مع منظر على الجبل بوقف القلب.

الرقم: 047 456 03

شوفوا كمان، ٣ بيوت ضيافة وأوتيلات بضيعة بسكنتا.