٨ مطاعم لتدوقوا سوشي طيب بأسعار حلوة

كتار منا بيحبوا السوشي أو حابين يجربوا السوشي، ونحنا لقينالكن ٨ مطاعم لتجربوا سوشي طيب بأسعار حلوة ومناسبة مع أصحابكن!

1. Sushi Mania

سوشي مانيا بيقدم مختلف أنواع السوشي بجودة وطعمة مميزة، بيضفي عليها لمستو الخاصة وعطول بيعمل عروضات مميزة.

الرقم: جونية 669 696 76 – أنطلياس 753 773 76

2. Sushi Star

إذا عبالكن تجربوا سوشي وساشيمي مميز وطازة ومقدم ع طريقة المطبخ الياباني التقليدي، لازم تجربوا سوشي ستار. والحلو انو عندو فروع كتيرة: الزلقا، البترون، غزير، بعبدا، الزوق، جناح، ريفون، الرابية، الأشرفية، طرابلس. للتواصل، بتلاقوا كل أرقام التلفون هون. 

3. Sushi Tsunami

المميز بهالمطعم انو مش بس بيقدموا جميع أنواع السوشي، بس كمان عندن Set Menu بأسعار كتير حلوة، خاصة إذا رايحين جمعة رفقة.

الرقم: الأشرفية 794 662 03 – أنطلياس 860 260 03

4. Wakame

سلطات آسيوية، نودلز، وسوشي بكل الطعمات وأحلى نوعية ناطرك عند واكامي. حتى بتلاقوا عندن قصص مهضومة متل بوكيه السوشي، قطع سوشي ع شكل قلب، وحتى كيك السوشي.

الرقم: المنصورية 919 255 70

5. Ten Asian Bistro

هالمطعم بيقدم أطيب سوشي، وساشيمي، ماكي، سلمون، تونة وغيرو بطرابلس، مع عروضات وأسعار غير شكل.

الرقم: طرابلس 410 410 06

6. Obi Sushi

مطعم أوبي مشهور بتقديم السوشي والأطباق اليابانية بجودة عالية وأسعار حلوة، وعندن كتير فروع حول لبنان بتقدروا تجربوها.

الرقم: بدارو 111 877 76 – فيلدج 222 877 76 – برمانا 333 877 76 – كسليك 444 877 76

الحازمية 555 877 76 – الأشرفية 054 905 76 – البترون 214 101 81 – ريفون 544 001 76 – الكورة 743 999 70

7. Tamashii

تقديم مميز، طعم إستثنائي، أطباق مشكلة وملونة من ألذ النكهات اليابانية، وكلو ع قعدة آسيوية روعة للعشوات مع أسعار مناسبة.

الرقم: بيروت، شارع أرمينيا 994 444 01

8. Sushi Holic

سوشي هوليك من أطيب مطاعم السوشي اللي عندها منيو متنوع بأسعار حلوة، وكمان بيضل يعمل عروضات أبداً ما بتتفوت!

القطعة عنهن كمان كتير كريمة!

الرقم: ضبية 402 040 71 – غزير 000 399 71 – بالونة 000 347 71 – جونية 384 184 70 – الحازمية 000 399 70

خبرونا، أي رح بتجربوا من مطاعم السوشي اللي إخترنالكن ياها؟

شوفوا كمان،وين فيكن تتمتعوا بكومبو السي فود بلبنان؟