مطاعم مميزة لتجربة عشا إستثنائية بلبنان

عبالكن عشا مميز ومش عارفين وين تروحوا؟ برمنا المطاعم بالبلد، ولقينالكن مطارح مميزة لتجربة عشا إستثنائية بلبنان!

1. مطعم Swiss Butter، الفروع كافة

عبالكن ستيك ع العشا؟ مطعم Swiss Butter من أفضل المطاعم بلبنان لتجربة عشا إستثنائية مع الشريك أو الأصحاب. مشهور انو بيقدم أطيب طبق ستيك وعندو قعدة مميزة بتستحلوا تجربوا العشا عندن. والحلو انو بتلاقوا كذا فرع بلبنان من الجميزة وجل الديب وفردان، لحد البترون وزحلة كمان.

مطعم Swiss Butter بيقدملكن ٣ أطباق بتناسب كل الأذواق، ستيك اللحمة، الدجاج، وكمان السلمون. وأكتر شي هني مشهورين فيه هي الصوص السرية – معمولة من الزبدة مع خلطة أعشاب إستثنائية ومتنوعة. وهالخلطة بتضيف طعمة وتجربة تذوق ما بتلاقوها إلا عندن.

جربوا وجبة شهية من ستيك اللحمة طرية ومغرقة بالصوص مع خبز الباغيت، أو طبق السلمون مع السلطة والبطاطا المخبوزة بتطلع طعمتو غير شكل، أو وجبة الدجاج وع جنبها البطاطا المقلية أو مشوية حسب شو عبالكن، والصوص الشهية. وما تنسوا تطلبوا مع العشا كاس نبيد أحمر لطعمة روعة!

وما بيكمل العشا من دون التحلاية، بتلاقوا عند سويس باتر أطباق من الشوكولا الغنية الدايبة، أو ال pain perdu!

شو ناطرين؟ ما تنسوا تابعوا Swiss Butter على الإنستغرام هون لتشوفوا كل أطباقن الموسمية. ولمزيد من المعلومات، اتصلوا على الأرقام التالية:

فروع بيروت: الجميزة 480 444 01 – جل الديب 571 712 04 – فردان 304 744 01
فروع خارج بيروت: البترون 132 567 81 – زحلة 518 818 08

2. مطعم الهندي، عين المريسة 

كتار بيحبوا الأكل الهندي من تجربة غنية بالنكهات أو طعمات البهارات القوية. ومطعم الهندي من أفضل المطاعم بالمنطقة لتدوقوا الأكل الهندي ع أصولو، من طبق الدجاج بالزبدة الشهير، الرز بالتوابل الحرة والمكسرات، والخبز الهندي الأصيل.

هيدا عد عن انو قعدة المطعم مرتبة وتقليدية بنفس الوقت، بتسفركن ع الهند بأزغر التفاصيل التراثية لتعيشوا ع العشا وقت مميز. 

الرقم: 122 951 03 – 706 912 81  

3. Mayrig، الجميزة

ما في ألذ من الأكل الأرمني والتوابل الحرّة ع العشا! وهالمطعم الأصيل بالجميزة بيجبلكن أطيب أطباق أرمينيا على جو بيتوتي، متل طبق المانتي، والمحمرة، وأكيد البسطرمة الشهية! 

الرقم: 227 228 03 

4. ماريو إي ماريو، مار ميخايل

عند ماريو إي ماريو رح بتجربوا أطباق روما ع أصولها من المطبخ الإيطالي. هالمطرح بيجمع الطعمة التقليدية على جو بيتوتي مكنكن رومانسي. دوقوا عندن أطيب بيتزا مارغريتا عالحطب، وأطباق الباستا الغنية، مع مأكولات البحرية لطعم مميز. 

الرقم: 036 444 01

شوفوا كمان، لقينالكن ٦ من أجمل القعدات الجبلية حول لبنان