٥ بيوت ضيافة وأوتيلات بين التلوج بفقرا!

فقرا وحدة من أجمل الوجهات السياحية الشتوية بلبنان. مشهورة بجمال التلج الأبيض والفيو الحلو، بيوتها الإستثنائية ومطاعمها الريفية، والمعالم التراثية والتاريخية متل قلعة فقرا والأثار الرومانية والبيزنطية. خلونا ناخدكن اليوم على أجمل ٥ بيوت ضيافة وأوتيلات بين التلوج بفقرا.

١. فقرا هيلز Faqra Hills Wellness Hotel

فندق فخم قاعد بين التلوج، استرخوا بالتخت، اشربوا فنجان قهوة سخنة مع فيو على الجبال البيضا وترويقة بتفتح النفس. عندن، بتلاقوا بخدمتكن كل الوسايل لتدللوا حالكن ضمن ديكور راقي وفخم.

الرقم: 876 576 03

٢. أوريا Ourea

عم تفتشوا على مهرب من عجقة المدينة؟ هيدي الفيلا الفخمة يلي تحولت لبيت ضيافة ريفية كتير رح تعجبكن. القعدة دافية كتير والمنظر خيالي، رح يخلي كل أحلامكن تصير حقيقة مع كل وسايل الراحة الموجودة.

للحجز، تواصلوا معن على انتستاغرام

٣. ذا دان فقرا The Den

عبارة عن مجموعة من بيوت مكنكنة لكل مين عبالوا يقضي عطلة على التلج. هيدا المنتجع موجود بواحة هادئة منعزلة. والشاليهات مع القرميد الأحمر فخمة بقلبها كل وسايل الراحة وقعدة بتناسب كل مين عبالوا يعيش جو الجبل، بتحسوا حالكن بجنة على الأرض لما تفيقوا مع شروق الشمس والفيو الأبيض.

الرقم: 562 502 81

٤. أوكريدج Oakridge Faqra

التلج غطى كل المرج وصار المنظر بيخطف القلب والروح هون. شو هالأوتيل هيدا وشو بدنا نحكي عن جمالو لنحكي. بيتميز هالمحل بموقعو الجذاب وإطلالتو على الجبال البيضا، النومة في من الخيال. كل شي فخم وممتاز وحتى عندن سبا لكل مين بدو يرخيها.

الرقم: 009 707 70

٥. مونتانيا Montagna

بيت ضيافة بيجمع الأصالة والفخامة والجمال، بتعيشوا بهالبيت تجربة تلجية. مكان بياخدكن على عالم كلو سحر متل بالقصص من ورا الفيو والنومة المريحة والتلج الأبيض حدكن وين ما بتبرموا وأكيد الطعام والمشروب لي ناطركن بالمطعم.

الرقم: 080 811 03

شوفوا كمان، ٩ كافيهات مكنكنة بالضيعة.