مفاجأة لسناغل لبنان بعيد الحب: موعد مدبر بهالمطعم!

يئستوا من الحب؟ عبالكن تتعرفوا على حدا ومش عارفين كيف ووين؟ مش عم تزبط معكن؟

ما تعتلوا هم شي لأن في مطعم كتير مهضوم بأنطلياس محضرلكن مفاجأة حلوة كتير على عيد الحب…. يعني إذا كنتوا سناغل ومش عم تنقش معكن جمعوا حالكن وروحوا على هالمطعم لأن رح تتسلوا كتير.

مطعم Bowl n’ Roll، هالمطعم الشعبي الشهير اللي بأنطلياس جنب Anthony’s Diner،عامل عرض مميز بعيد الحب لكل لي بعد ما لاقوا نصن التاني، وهالعرض مش بس ليلي ما عم بلاقوا شريك، حتى للي زهقوا من نفس الطرق التقليدية بالتعارف.

كيف فيكن تشاركوا؟

الخبرية كتير بسيطة يلي عليكن تعملوا، تحجزوا محلكن قبل بوقت على 959 690 70، توصلوا عالمطعم، تسحبوا رقم، وحسب الرقم بتقعدوا عالطاولة تبعكن. وعلى الطاولة، رح تقابلوا شخص مجهول بتشوفوا لأول مرة… وهوي لي رح تشاركوا الموعد المدبر.

إذا ما ارتحتوا لبعض مش مشكلة! فيكن تطلبوا تغيروا الطاولة وبتقعدوا مع شخص تاني. الموعد بيشبه الطريقة يلي بتصير لما بتعجبكن صورة على تطبيق تيندر بس بالواقع ما بتحسوا حالكن مرتاحين فبتغيروا الشخص وهون هيك فيكن تغيروا الطاولة.

أهم شي من الخبرية كلا تستمتعوا بوقتكن وتعملوا ذكريات حلوة! أكيد هالشي مش مجربينوا قبل، قدي فكرة حلوة وجديدة وفيها حس المغامرة كمان! تعوا تعرفوا على ناس جداد، تضحكوا، وكلوا أكل الstreet food لي طيب كتير.

شو رأيكن بهالموعد الغريب؟ بدكن تجربوا؟ زوروا صفحة Bowl n’ Roll عالانستغرام للمزيد من المعلومات، او اضغطوا علينك اللي تحت لتعرفوا وين بالضبط هالمكان.

العنوان: أنطلياس
الرقم: 959 690 70

شوفوا كمان، هيك صارت أسعار الفراريج عند أشهر المحلات بلبنان!