لمحبي القهوة، لقينالكن ١٣ كافيه مميز لتجربوهن بلبنان

لكل اللي بيحبوا يقعدوا بالكافيه ويشربوا قهوتن ع رواق، لقينالكن ١٣ كافيه مميز حول لبنان لازم تجربوهن.

1. The Nook، حدت

كافيه لطيف لتقعدوا تقروا ع رواق أو تشتغلوا، وبيضل فاتح لوقت مأخر كمان!

الرقم: 588 395 70

2. Noix Le Café، البترون

هالكافيه الزهري مستوحى من جماليات باريس وبيقدم حلويات ومشروبات طيبة.

الرقم: 651 779 03

3. Cherry Pastry & Cafe، خلدة

كافيه بديكور روعة رح يرسم الضحكة ع وجكن بالكيك اللي بيعملوها!

الرقم: 654 691 81

4. ڤيينا 1683، طرابلس

كافيه جديد فتح بطرابلس مع قعدة كتير حلوة مستوحاة من مدينة فيينا، مناسب لضهرة قهوة مع أصحابكن!

5. دینز كوفي ، طرابلس

مكان تاني من طرابلس لازم تضيفوا على قائمة الأماكن اللي لازم تزوروها! دينز رح يحسسكن انكن ببيتكن، ديكور بسيط وأجواء دافية! هيدا المكان كمان ممتع للقعدة مع الأصحاب، لأن عندن رفوف مليانة ألعاب طاولة مختلفة.

الرقم: 995 991 70

6. كلتش اند كارب، الكورة

Clutch N’ Carb هو كافيه ومعرض سيارات بنفس الوقت، بتقدروا تشربوا قهوتكن وحولكن أحلى موديلات السيارات.

@beirut.com Hidden gem in North Lebanon! 🇱🇧 #beirutcityguide #lebanon #amioun #koura #lebanese ♬ original sound – Beirut.com

7. Dreamers Bookshop، الجديدة

ممكن يكون هالكافيه حلم لكل حدا مولع بالكتب. عدا عن جو القراية الحلو، بيعملوا ورشات التلوين واليوغا.

الرقم: 563 187 03

8. Le Marché Bio، بدارو

كافيه لكل الأشيا الطبيعية و العضوية، فيكن تميلوا على لو مارشي بيو ببدارو لتحصلوا على جرعتكن من الكافيين أو تدوقوا بعض الأطباق الممتعة اللي رح تحسسكن إنكن بالبيت.

الرقم: 888 699 70

9. Pinch Moi، الجميزة

Pinch moi كافيه مليان طاقة إيجابية وحياة، بتلاقوا فيه تصاميم وإبداعات الفنانين المحليين، من الملابس والإكسسوارات مع القهوة الطيبة.

10. ميوزيك، أنطلياس

هالكافيه مميز للموسيقيين أو محبي الموسيقى، بيقدم قهوة ومخبوزات وكريب كمان طيب!

الرقم: 267 783 03

11. سالومي, برمانا

مخبوزات شهية معمولة بكل شغف من خبّازة قررت تفتح كفيه لمحبي الأكل ببرمانا!

12. ذا كوفي بوك، جبيل

 The Coffee Book كان أقدم مكتبات جبيل قبل ما يتحوّل لكافيه لكل عشاق القراية والقهوة!

13. Drop – صيدا، صور ،شارع بلِس

كافيه جنب الجامعات، مناسب لتقابلوا رفقاتكن وتشربوا لاتيه طيب.

شوفوا كمان، ٧ كافيهات رح تحسوا حالكن فيهن عند بيت التيتا