بالفيديو: ببغاء أدهش آلاف المتابعين لأنو بيحكي لبناني

تصدر مواقع التواصل الإجتماعي فيديو كتير مهضوم وبيجنن لطير الببغاء من النوع الإفريقي الرمادي بيحكي لبناني ع القد ولا غلطة! الببغاء اسمو كوكو! وإنشهر بعد ما إنتشرت فيديوهاتو هوي وعم يحكي مع صاحبه اللبناني، و بتلاقوا كل فيديوهات على حساب almira4a.c ع التيك توك. 

و للصراحة ما في أشطر وأهضم من كوكو بالحكي! ما بيحكي كلمة أو تنين، بيكتّر حكي و بيحدّث ع الرايح والجايي، وفيكن تحضروا الفيديو هون: 

@almira4a.c

♬ original sound – مؤسسة الميرا للتكييف لب🇱🇧نان

الببغاء كوكو بيعرف يعدّ للتلاتة، بيقول صباح النور، بيحب كلمة “شطور”، وكمان “الحمد الله” بس كمان أوقات ممكن يعصب وبيقلو لصاحبو بكل هضامة عبارة “تفو عليك” أو “بضربك”، وكل بيحكيه باللهجة لبنانية. و للصراحة مجرد ما شفنا الفيديو إنبسطنا كتير من كتر الهضامة!

وكتار من المشاهدين لاحظوا الموهبة المدهشة عند كوكو وشاركوا تجاربن مع تربية طير الببغاء، وغيرن شاركوا بعض النكت المهضومة أو

تعليقات ع اللهجة وكتار قالو انو بتشبه لهجة البيروتية: 

ومش بس هيك، كمان كوكو بيعرف يقلد أصوات حيوانات تانية متل البسينة والكلب، وحتى بيقول “بدي كسرك”. للصراحة، العلقة مع كوكو صعبة وعنجد هو الببغاء اللبناني ع المزبوط. حضروا الفيديو هون:

@almira4a.c

♬ original sound – مؤسسة الميرا للتكييف لب🇱🇧نان

مش أول مرة منخبركن عن ببغاء بيحكي لبناني، لأنو كمان الببغاء ليلا كمان إنشهرت لأحاديثا مع صاحبها لبناني وتعلّمت منو كم كلمة! وبركي ليلا وكوكو بيصيروا رفقا بعدين و بيسمعونا مع بعض حكين اللبناني أكتر! 

خبرونا، حبيتوا كوكو الببغاء اللبناني؟ 

إذا بتحبوا هالنوع من المحتوى، شوفوا كمان: كلب هاسكي معلّق بتيتا لبنانية صارو مشاهير سوشيال ميديا