عبالكن كنافة تركية بلبنان؟ما ضروري تسافروا على اسطنبول!

بدكن أطيب كنافة تركية بلبنان؟ ما في لزوم تسافروا على اسطنبول لأن وصلت الكنافة التركية بحلاها وقرشتها على الجنوب!

محل كنافة زمان فاتح أبوابو بالجنوب، وعم بيقدملكن أطيب كنافة تركية على أصولها، كأنكن عم تاكلوها بتركيا!

الشيف هو اللي عم يحضر الكنافة على دياتو، وبحط الطربوش التركي كمان، كرمال الجو يكون تركي عالأصول!

مش بس هيك، كنافة زمان بحضر كمان الكنافة التقليدية، وحلويات عربية من كل الأنواع، من حلاوة الجبنة للبقلاوة للمدلوقة والجزرية ومعمول المد، وحتى الغاتويات!

وكل فترة وفترة، بنزلوا اختراع جديد على السوق!

بس أهم اختراع عندن حلاوة الجنة، اللي فيها سبع أنواع حلو: حلاوة الجبن، الداعوقية، المفروكة السمرة، مفروكة الفستق والقشطة، وحلاوة رز!

والمحل كمان في أجواء تركية تراثية، من أول ما تدخلوا، بتشوفوا صبي مهضوم لابس الزي التركي التقليدي مع الطربوش بيستقبلكن بابتسامة حلوة، وبيقدملكن أطيب فنجان قهوة تركية، بتحسوا حالكن وكأنكن بمسلسل حريم السلطان!

الكنافة التركية عندن شي كتير فخم، بيستخدموا أجود أنواع الجبنة والسمنة، وطريقة تحضير هالكنافة خاصة، جايبينها من إسطنبول، بس تخلص بتطلع دهبية وبتقرش قرش مع قطر على الوج وفستق قد ما بدكن وبتبقى سخنة سخنة، وبيراجعوا بحطوا ملعقة قشطة سايلة وباردة على الوج، متل ما بيعملوا الأتراك! ما فينا نوصف الإحساس بعد أول لقمة!

بلشوا بفرع واحد، ومن ورا محبة الناس، فتحوا ٤ فروع بالجنوب، واحد بعبرا وواحد على مدخل صيدا، وفرع داخل تعاونية الجيش، وفرع بشارع الجامعات!

ما تفوتوا فرصة تجربة أطيب كنافة تركية بلبنان!

روحوا على كنافة زمان، واغطسوا بالجو التركي، واستمتعوا بأطيب كنافة!

الرقم: 707 830 81

شوفوا كمان، بقسمة: أطيب تحلاية شتوية من التلج الأبيض، مين بيعرفها؟