٦ محلات بتقدم سندويشات إيطالية ببيروت

السندويشات الإيطالية معروفة باللحمة الطيبة، الجبنة ع أنواعها، الخضرة الطازة، والخبز الإيطالي المحمص. مشوا معنا نخبركن ٦ محلات بتقدم سندويشات إيطالية ببيروت.

1. O’s Focacceria

أول focacceria بلبنان اللي بتقدم كل الأصناف الإيطالية من اللحوم الباردة والجبنة مع خبز فوكاشيا الطازة. عندن منيو من سندويشات Mini O’s بأحجام زغيرة إذا عبالكن سناك طيب وخفيف!

الموقع: مار ميخائيل

رقم الهاتف: 730 894 76

2. سكويزيتو

مش بس بيقدموا أطيب أطباق باستا إيطالية كريمي اللي بتشهي، بقدملكن كمان charcuterie وجبنة طيبة، مع سندويشات بخبز إيطالي ومغطسة بالصوص. 

الموقع: الجميزة

رقم الهاتف: 417 317 03

3. فيل أند ويل

هيدا المطرح بشارع الجميزة مشهور بسندويشات بانيني مليانة جبنة، و بيقدموها مع 3 أنواع خبز: فوكاشيا، sourdough، و الصب مارين. بتقدروا تطلبوا ع جنبها تشيبس الخاص بالمطعم والكبيس الكبير.

الموقع: الجميزة

رقم الهاتف: 905 563 70 

4. سيبو

مطعم متخصص بأكل الشارع الإيطالي مع معكرونة كريمي و سندويش إيطالي المحمصة بشكل مثالي. وحتى فيكن تطلبوا وجبتكن مع النبيد لتجربة كاملة!

الموقع: مار ميخايل

رقم الهاتف: 160 560 01

5. Paulies

محل تاني لتقديم أكل الشارع الإيطالي، ومثالي إذا عبالكن سناك سريع وبيشبع. بتلاقوا الباستا بأنواعها،  الشاباتا اللذيذة، مثل البريزاولا التقليدية أو سلامي الطيب. وما تنسوا تجربوا البطاطا بجبنة البارميزان الخيالية!

الموقع: الجميزة

رقم الهاتف: 685 877 70

6. دي فارينا

هالمكان المحبوب ببدارو معروف بوصفاته الشهية، خصوصًا سندويشات البانيني الغنية. وما تنسوا تجربوا أطيب أكلة عندن: بيتزا إيطالية مع قريدس! 

الموقع: بدارو

رقم الهاتف: 992 953 81

خبرونا، أي رح تجربوا من سندويشات إيطالية اللي خبرناكن عنا؟

شوفوا كمان، ٥ مطاعم صينية لازم تجربوها بلبنان