أجمل المواعيد الغرامية بشهر الحب ببيروت

بما انو صرنا بشهر الحب وقرب الفالنتاين، عبالنا نخبركن عن طرق مميزة لتعيشوا لحظات رومانسية مع حبيبكن أو حبيبتكن كل هالشهر، ولقينالكن تجارب لطيفة أكيد بتعملوا فيها ذكريات ما بتنتسى مع أقرب شخص ع قلبكن. مشوا نخبركن عن 7 من أجمل المواعيد الغرامية ببيروت بتجربها مع حبيبكن خلال شهر الحب. 

1. شاركوا بورشة طبخ رومانسية وعملوا باستا إيطالية شغل إيد مع حبيبكن عند Di Farina ببدارو

الورشة بتتضمن أطباق إيطالية، prosecco مفتوح، ومشروبات. 

الرقم: 992 953 81

2. عيشوا ليالي موسيقية رومانسية من العزف ع البيانو لسهرة “فيروزيات ورحبانيّات” عند The Wooden Cellar بمار ميخايل

الليلة بتتضمن عشا رومانسي مع كاس نبيد، وفوندو الجبنة الدايبة على جو كلاسيكي دافي.  

الرقم: 392 808 76 

3.  إحجزوا ورشة فنية للفالنتاين مع حبيبكن بتتضمن تزيين الكيك عند Creativenass ببدارو 

مساحة فنية لطيفة مقدمة برنامج مميز ع عيد الحب ببيروت، متل صنع الشموع، النحت، والرسم وغيرو.

الرقم: 554 656 76

4. إتعملوا فن الصباغة الطبيعية بالورود مع حبيبكن أو حبيبتكن مع ستديو ملفوف بالأشرفية

هالمحل عبارة عن ستديو زغير بيعمل ورشات وبيقدم بوكيات ورود بترتيب فريد وراقي. للحجز تواصلوا معن على الإنستغرام هون. 

5. إنبسطوا بموعد غرامي بقلب كافيه ومحل ورد Bouquet Délicieux ببدارو 

إطلبوا ال “Petals And Sip”، عبارة عن مشروبكن المفضل بكباية وإختاروا جنبها بوكيه ورد مصنوعة من الشوكولا أو ميني بوكيه من الورد الطبيعي. مطرح عندو جو كلاسيكي ورومانسي! 

الرقم: 291 201 03

6. جربوا بيتزا إيطالية بتشهي ع شكل قلب من عند Deli Co بوسط بيروت أو الحازمية

وحتى فيكن تطلبوها كهدية أو مفاجأة زغيرة ومهضومة! 

الرقم: 738 999 01

7. قضوا ليلة حميمية مع أجواء بيروتية عند بيت توريف بالجميزة، شارع غورو

كاس نبيد، تخت مفروش بالورود، بانيو ع ضو الشموع، وجو مكنكن و رومانسي ع الآخر!

الرقم: 021 384 70

خبرونا، وانتو شو ح تعملوا خلال شهر الحب ببيروت؟

شوفوا كمان، ٥٠+ مطرح رومانسي لأجمل ليلة عيد الحب بلبنان