٥ محلات لأطيب عرايس سجق ببيروت!

اليوم جايبينلكن أطيب ٥ محلات بيعملوا عرايس سجق بقلب بيروت غير يلي نحنا معودين عليهن.

١. سبايس أند سلايسد Spiced and Sliced

هيدا المحل بيعمل سندويشات بتشهي محشية منيح من الشاورما للفاهيتا للبطاطا وغيرن كتير. جربوا عندن عروسة السجق مع الكبيس، البندورة والصوص الروعة… شي بشق القلب.

الحمرا: 363 363 76
الأشرفية: 362 333 70

٢. كوارا ساندويش بار، بادارو

هيدا المحل بيعمل سندويشات من مقادير طبيعية ومن الأرض، يعني من المزرعة دغري ع صحنكن. عندن كذا نوع سندويش لكل حدا عبالوا يتلذذ بعروس طيبة من دون ما يحس بالذنب متل سندويش الشاورما الحمرا وسندويش الشاورما البيضا، وساندويش الفاهيتا. أما عروسة السجق فبتجي ملفوفة بخبز مرقوق مع صوص روعة.

الرقم: 058 852 71

٣. سجق وبس، الضاحية

إسم ع مسمى، هيدا المحل مشهور بسندويش وحدة بس: السجق. ملفوفة منيح بقلب خبزة فرنجي، محمصة على الهدا ومحشية سجق طازة وكبيس وبندورة وصوص روعة مع حبات صنوبر لتصير طعمتها أطيب وأطيب.

الرقم: 407 641 70

٤. در كفتا، برج حمود

هالمحل مشهور بسندويشات الكفتا، المقانق والسجق وعندن كمان سندويش فتايل. بس يلي لازم تجربوها خص نص هي سندويش السجق يلي بتجي معرمة ومحشية صوص بتدوب بالتم والخبزة محمصة منيح.

الرقم: 178 168 81

٥. ديليش Delish of Shawarma، مار مخايل

موحمين وعبالكن تعبوا بطنكن بشي حرزان؟ هالمحل كنز الشاورما بقلب بيروت، بقدم شاورما اللحمة والدجاج بالمرقوق مع خبزة محمصة. أما سندويش السجق عندن، بتفتح النفس، عبارة عن خبز مرقوق، مايونيز، بندورة، كبيس ورشة دبس الرمان… كل كدشة أطيب من التانية.

الرقم: 849 187 81

شوفوا كمان، ه مطاعم بتعمل أطيب أكلة عصافير بلبنان!