بالفيديو: زوجة د.فود بتتهمه بالخيانة ع البث المباشر

الظاهر د.فود صار عبالو يطلع عن الكرة الأرضية خصوصي من بعد ما إنتقدته زوجته شروق على البث المباشر Tiktok Live وإتهمته بالخيانة قدام الآلاف من المتابعين. هيدا الديو اللي إتعودنا نشوفوا على السوشيال ميديا وإكتسبوا شعبية كبيرة وانتقادات واسعة. هلق أثاروا الجدل مرة تانية بنقاش غريب عن خيانة د.فود لزوجته مع وحدة من الشخصيات على تيك توك. وحتى كان في حديث عن تخطيط لسفرة من دون زوجته ع دبي كرمال يحضر حفلة. 

بالفيديو المتداول على مواقع التواصل الإجتماعي، د.فود (جورج ديب) مبيّن وهو عم بيحاول يتجنب الكاميرا ويتوسل لزوجته شروق إنو تسكّر اللايف. حتى كان في حديث عن انو اتصل بأمها وخيّها بمحاولة ليقنعها بتسكيير البث المباشر. ومن بعد ما رفضت شروق طلبه، لحقتو ولمّحت عن انو كان عم بيخونها بالسيارة مع إمرأة تانية. ومن الواضح أن الشيء الوحيد اللي عندو فيه د.فود دكتوراه هو اتخاذ القرارات الجدلية والسيئة.

بالفيديو، بتحكي شروق عن ابنها اللي عمرو بس 3 شهور كيف لحالو بغرفة الفندق وهيّ إضطرت تلحق زوجها حافية. وأديه كان معيب انو ترك الغرفة من بعد ما سكّرت اللايف ع التيك توك. 

من اللافت انو السنة الماضية كانو الزوجين عم يعملوا ترويج لمنتجات د.فود اللي كمان أثارت نوع من الجدل من بعد ما دخلت الأسواق، وحتى بالفيديو الأخير بتوصف شروق منتجات زوجها ب”معفنين”. 

ممكن تتفرجوا على الفيديوهات هون:

شو رأيكن بكل هالدراما؟

تابعوا آخر الأخبار بقسمنا هون.