وين فيكن تتمتعوا بكومبو السي فود بلبنان؟

خلينا نعرفكن اليوم على بعض المحلات لي عم بقدموا كومبو ثمار البحر لي كلنا تشهينا بس شفناهن على تيكتوك.

@callmecandace.tv How to make a seafood boil 🦀 #callmecandacetv #atlfoodie #seafoodboil #recipe #dinnerideas #seafoodrecipes ♬ Nocturne Op.9, No.2 – Chopin

كومبو ثمار البحر عبارة عن مزيج من الأكلات البحرية والخضرا، من القريدس، الكراب، صفد البحر، الصوصات، البطاطا، والدرة… مخلوطين مع أنواع مختلفة من البهارات، وأشهرها بهارات الكاجون والفلفل، البابريكا، التوم والملح. هيك بصير الطبق البحري غني بالنكهة الطيبة، بس أصلاً مش بس هيك الخبرية، رح يقدمولكن كمية كريمة كتير من الصوص على جنب حتى تستمتعوا بالتجربة عالآخر.

أكيد عم تسألوا حالكن وين فيكن تلاقوا هالكومبو الرهيب للمأكولات البحرية! لهيك، جمعنالكن أهضم المحلات لتستمتعوا بهالأكلة المميزة.

١. فلوكة غسان، صيدا

إذا عبالكن تغطسوا بعالم من السمك، فلوكة بصيدا هوي الحل. مشهور بكمية الأكل الكبيرة وأكلات السمك لي بتجنن، هوي الخيار المثالي للغدا أو العشا مع عيلتكن وأصحابكن. إذا عبالكن سمك مقلي مع الطراطور أو سمكة طازة متبلة بأشهى البهارات، هالمطعم بقدملكن تجربة ما بتنتسى.

هالطبق مليان بالكراب، القريدس، الحواضر من ثمار البحر وخضرا كتير لتكمل معكن وفيكن تزيدوا رز على جنبن! وما تنتسوا تطلبوا أطباق المازة اللبنانية يلي بتكمل سفرتكن.

الأسعار: 50$ على شخصين، 95$ على 4 أشخاص

الرقم: 009 060 70

٢. الشريمبري، طرابلس

هالمكان الجديد اللي فتح بطرابلس عم ينشهر كتير من ورا أطباق كومبو ثمار البحر اللي عم بقدمها. عندو خيارات متنوعة بخمس نكهات مختلفة، بيناتن الكاجون والكاري.

أهم الأطباق يللي عندن بتتميز بطعمة القريدس يللي بتحتوي على الكلمار، صدف البحر والدرة، مع رز غير شكل على جنبن. كمان بيقدموا أنواع كتيرة من المأكولات البحرية الخاصة بالمحل، متل ديناميت القريدس والكيسادياس على قريدس.

الأسعار: 13$-15$
هالطبق بطعمي شخص واحد
الرقم: 053 471 81

٣. زيتون، عمشيت

هون ب هالمحل ناطركن البحر كلو، مأكولات بحرية قد ما بدكن في، بتدقدروا تختاروا الطبق البحري لي عبالكن وتنقوا تاكلوا على الطريقة لي بتحبوها.

طبق كومبو ثمار البحر عندن بيحتوي على السلطعون، القريدس، الكراب، الأخطبوط وصدف البحر مع تتبيلة صوص حمرا أو صلصلة البروفانسال مع خضرا.

السعر: 85$-220$
الأسعار بتختلف باختلاف المكونات
الرقم: 313 633 71

٤. قاتش، قريطم والمنارة

عندن مسمكة وبقدموا أكلة السوشي، بس أطباق ثمار البحر لي لإلن غير عالم. كل شي عندن فريش وجايي من البحر دغري.

رح بقدمولكن طبق كومبو ثمار البحر بنفسن، رح تشوفوا الجمال كلو قدامكن. هالطبق عبارة عن نص كيلو من أنواع مختلفة من ثمار البحر متل القريدس، صفد البحر، الكراب والكلامار الطازة مع درة وبطاطا عجنبن. كلن بيطغطسوا بصوص الكاجون السخنة مع صحن رز.

السعر: 55$ لحدود شخصين أو تلاتة
الرقم: 644 868 01

شوفوا كمان، بقسمة: أطيب تحلاية شتوية من التلج الأبيض، مين بيعرفها؟