٨ تجارب رومانسية تعيشوها مع حبيبكن بالتلج

بما انو أخيراً دخلنا ع موسم التلوج والتزلج بلبنان، كلنا محمسين ع الضهرات والمشاوير الحلوة بالمناطق التلجية مع الناس اللي منحبن والقريبين ع قلبنا. ولندفي الجو شوي، لقيناكن ٨ تجارب رومانسية بالتلج تعيشوها مع حبيبكن هالشتوية بلبنان.

1. جربوا ركوب الخيل مع حبيبكن بين التلوج البيضا وغابات الأرز

وين فيكن تعيشوا هالتجربة؟ توجهوا عند Cedars Horse Riding Club بضيعة عين زحلتا، وبياخدوكن على محمية أرز الشوف.

الرقم: 686 004 76

2. جربوا جاكوزي دافي مع حبيبكن بأحضان اللقلوق و مع منظر التلوج

وين فيكن تعيشوا هالتجربة؟ أوتيل Laklouk Village Vacances عندو أجمل تجربة جاكوزي بالتلج، وهالتجربة بس بيقدموها بالشتوية وبتكون رومانسية كتير.

الرقم: 112 441 03

3. وأكيد جربوا التزلج على التلوج عند أجمل مراكز التزلج بلبنان

وين بتلاقوا هالمراكز وشو الأسعار للدخولية؟ شوفوا مقالنا هون.

4. جربوا رياضة ال Snowshoeing بقلب غابات لبنان

وين فيكن تعيشوا هالتجربة؟ مننصحكن تحجزوا عند Découvre أو Lebanon Explorers بياخدوكن على أجمل المناطق التلجية المختلفة.

الرقم: 711 373 03 (Découvre)

118 986 70 (Lebanon Explorers)

5. جربوا التخييم مع حبيبكن بنص التلوج والجبال هالشتوية

وين فيكن تعيشوا هالتجربة؟ مننصحكن تجزوا مع North 33 بياخدكن على أجمل المطارح بشمال لبنان لتعيشوا تجربة تخييم بالتلج من الحلم!

الرقم: 996 454 03

6. جربوا عشا رومانسي ودافي بنص تلوج إهدن

وين فيكن تعيشوا هالتجربة؟ Pack And Go بإهدن عندن بيت من قزاز مغطى بالتلوج وخرج العشوات الرومانسية.

الرقم: 657 901 71

7. جربوا فوندو الجبنة وكاس نبيد أحمر 

جبنة فوندو، راكليت، مع خبز وبطاطا مشوية، بدكن أدفى من هيك؟ وكمان عندو جو رومانسي جنب الشاميني. كل هيدا عند O Bois بالخنشارة.

الرقم: 752 345 03

8. جربوا تقضوا ليلة بقلب بيت قبة ساحر بنص الغابة هالشتوية

وين فيكن تعيشوا هالتجربة؟ نحنا إخترنالكن بهالمقال بيت القبة Odom بقناة بكيش أو The Dome بكفردبيان، وبأمنولكن كل وسايل الراحة، مع الجو الرومانسي، والمنظر المفتوح ع التلوج.

بس كمان انتو فيكن تختاروا من بين ١٠ بيوت قبة غير بلبنان بالمقال هون.

الرقم: 330 331 70 (The Dome)

الرقم: 092 992 76 (Odom)

خبرونا، حبيتوا شو إخترنالكن من تجارب رومانسية بالتلج؟

شوفوا كمان، ٩ مطاعم شتوية بقعدة كهف بلبنان