كيف فيكن تقضوا مشوار شتوي بضيعة عين زحلتا

بين أحضان الأرزات والصنوبرات بتلاقوا ضيعة شوفية بترجعكن ع لبنان الجبل من أيام زمان، بهالمقال قررنا نخبركن عن ضيعة عين زحلتا التراثية. هالضيعة مصيف حلو بالجبل ومقصد تلجي بالشتوية! خلونا نشوف سوا كيف فيكن تقضوا نهار من العمر بضيعة عين زحلتا. 

1. تفرجوا ع بيوت القرميد المكللة بالتلوج بالضيعة

2. زوروا بيت عليا للفن بقلب عين زحلتا

بتدخلوا على عالم من الفن المعاصر والإبداع باللوحات، الديكور، والتصاميم. 

هالبيت عندو قصة حلوة، و كان عبارة عن هدية من السيد والفنان فادي مغبغب لزوجته الفنانة عليا مزنر، عاشوا قصة حب جمعتها الروح الفنية. 

3. مارسوا ركوب الخيل فوق التلوج عند Cedars Horse Riding Club

الرقم: 686 004 76

4. إكتشفوا محمية أرز الشوف الخيالية بهالوقت من السنة

من أجمل الغابات اللي فيكن تزوروها لتقضوا أحلى الأوقات بين تلوج وأرزات لبنان. 

5. وفيكن تمارسوا ال snowshoeing مع  Cedar Ground Campsite

الرقم: 187 938 03

6. جربوا لقمة لبنانية طيبة عند مطعم وأوتيل التاميراس

الرقم: 185 230 05 – 795 193 03 

7. قضوا ليلة مكنكنة من الأحلام عند Shouf Highland 

بتحضروا أفلام ع نتفلكس مع حبيبكن أو أصحابكن، بتتونسوا جنب الصوبا، بتدوقوا أكل طيب، وكله بنص الطبيعة وحولكن شجر الأرز والصنوبر. 

الرقم: 550 011 70 

8. أو قضوا نهار وليلة كاملين عند La Maison Des Sources، بيت لبناني تراثي عمرو أكتر من 200 سنة

هالمطرح المميز بيرجعكن ع أيام زمان وبعيشكن التراث اللبناني بالجبل ع أصولو.

 من اللقمة الجبلية والبوفيهات المميزة من الأطباق البيتوتية، للقعدة المكنكنة والدافية جنب الصوبا، عدا عن الأوض المقنطرة والديكور التراثي الرومانسي والحديقة المليانة تلوج بهالفترة من السنة. وأحلى شي انو كتير قريب ع محمية أرز الشوف. 

الرقم: 308 574 70

خبرونا، حبيتوا مشوارنا ع عين زحلتا؟ 

شوفوا كمان،بنص الشتوية: ٩ شغلات تعملوها بضيعة مزيارة!