٧ كافيهات رح تحسوا حالكن فيهن عند بيت التيتا

رح نعرفكن اليوم على ٧ كافيهات رح تحسوا حالكن فيهن ببيت التيتا من ورا الجو المهضوم والحنون والديكور البيتوتي.

١. دار الوردية، الحمرا

بهالمطعم رح تحسوا حالكن ببيت ستكن من ورا الزينة والديكور والقعدة البيروتية القديمة، بتاكلوا أطيب ترويقة لبنانية من لبنة وزعتر وزيتون، مربيات مع فواكة وخضرا وخبز مرقوق.

الرقم: 348 373 01

٢. المكان، مار الياس

شقة بيروتية نموذجية تحولت لكافيتيريا، مع نبتات معلقة وبلاط مزخرف. المكان مكان ثقافي وروحاني برجعلكن الذكريات والعادات يلي ربينا عليها من ورا الأكل وورشات العمل وكل شي.

الرقم: 051 302 01

٣. ليفانت، الجميزة

هالمكان الحلو بالجميزة بيقدملكن تجربة حلوة بإمتياز. عندن جو بيتوتي قديم شوي مع تشكيلة بيت من الحلويات العربية والضيافات، كل قطعة من الكرابيج، الصفوف، والغريبة، رح تحسسكن كأنكن عم تاكلوا من تحت ديات ستكن اللبنانية.

تواصلوا معن هون.

٤. بوكيه ديليسيو، بدارو

باقات ورد بتجنن، تحف جميلة، وورشات العمل وقصص ولا أهضم – كلها ناطرتكن عند القهوة يلي كمان محل للزهور ببدارو. مكان لطيف للاستمتاع بقهوتكن الصبح أو لمجرد الترفيه مع الأصحاب، عندن كمان ورش عمل الزهور الخاصة بالمحل، نشاط فيكن تجربوا إذا عبالكن تتعلموا شي جديد.

الرقم: 291 201 03

٥. كركنا، قريطم

محل بجنن لصبحية رايقة ببيروت وبتشربوا عندن أطيب شفة قهوة. مش بس متخصصين بالكرك، كمان عندن سحلب طيب وسخن لتستمتعوا في بأيام الصبح الباردة. كل ملعقة منو رح تحسوا حالكن رجعتوا ذكريات الأيام يللي نمتوا فيها عند تيتا وجدو ورح بتتذكروا ريحة السحلب يللي كانت تطلع من المطبخ أول ما تفيقوا.

الرقم: 266 040 03

٦. بيت غاردن كافيه، مار مخايل

بيت قديم تحول لقهوة، عبارة عن قطعة تراث بيروتية قاعدة بقلب الأشرفية. جلسة هالمحل بتخليكن تحسوا كأنكن ببيت جدكن، من ورا البلاط المنقوش، السجاد الفارسي المزخرف، والديكور ساحر.

الرقم: 390 761 76

٧. بيت إم نزيه، الحمرا

بيت إم نزيه من الكافيهات لي رح تحسوا حالكن فيها ببيروت القديمة، ومشهور بأكلو البيتوتي اللذيذ ومقصود للعب الطاولة كمان مع لقمة طيبة. الديكور مستوحى من التراث اللبناني والشبابيك رح يذكروكن ببيت التيتا العتيق.

الرقم: 397 742 01

شوفوا كمان، ٧ محلات عندن أطيب ترويقة ببيروت!