شوفوا معنا ٤٦ متل لبناني مهضوم عن شهر شباط!

ما في أهضم من الأمتال اللبنانية يلي بتخبرنا كيف كانوا جدودنا يشوفوا الحياة وأضحك شي أمتال أشهر السنة. من بعد ما خبرناكن عن أمتال شهر كانون، اليوم إجا دور شهر شباط.

١. مشي على غيم كانون ولا تمشي على غيم شباط

٢. راح شباط الخباط لا أخذ مني عنزة ولا رباط

٣. شباط شبطنا وربطنا وروايح الصيف إجتنا

٤. الزلام متل شباط ما علين رباط

٥. بشهر شباط بيعرق تحت الباط

٦. سرحنا بشباط على زراعة العنبات

٧. الصيت للمربعانية والفعل لشباط

٨. شباط شبّط ولبّط وريحة الصيف في

٩. شباط شبّط لبّط لحتى شبع

١٠. حلف شباط وطلق ما يخلي غسيل عالحبل معلق

١١. شباط دفان الختيارية

١٢. شباط إذا عوى بيخلي الراعي يتلوى

١٣. شباط سلاخ الجلود

١٤. شمس شباط بتعلم عالبلاط

١٥. غيمة شباط ولا صحوة كانون

١٦. بشباط بيبيض الجاج على البلاط

١٧. الصيت لشباط والفعل لآدار

١٨. راح العاقل كانون وإجا شباط المجنون

١٩. شباط غيمو وهوا أحسن من شمسو وشتا

٢٠. شباط أوعالو لا يغرك اعتدالو

٢١. متل غيمة شباط محركة الشتا

٢٢. راح شباط الغدار وإجا آدار الهدار

٢٣. شمسة شباط وغيمة آدار من نعايم الله الكتار

٢٤. شباط ما بيخبي شمسو

٢٥. شباط بيضحك عالنسوان

٢٦. بين شباط والصيف زرقة فارة

٢٧. شباط فروتو مخزقة

٢٨. شمس شباط لكنتي وشمس آدار لأختي وشمس نيسان لبنتي

٢٩. برد شباط بيمنع الجراد والقحاط

٣٠. بشباط بتهورن القطاط

٣١. كل ساعة برأي متل غيمة شباط

٣٢. بين شباط وآدار تأخرت كتير يا زارع الأشجار

٣٣. شباط اللباط

٣٤. شباط بيقول لآدار :ثلاثة منك وأربعة مني لنخلي العجوز تولي

٣٥. حلف شباط وطلق ما يخلي غسيل ع الحبل معلق

٣٦. شمس شباط بتسوي الراس متل المخباط

٣٧. شمس شباط لكناتي

٣٨. شباط شبط، وآدار ذرذر، راح المطر

٣٩. راح كانون وإجا شباط الغدار

٤٠. شباط لطيف ودمو خفيف

٤١. قلنا شباط أيامو سعود تاري شباط سلاخ الجلود

٤٢. قلو يا شباط ليش ما بتجي بتموز؟

قلو: كل شي بوقتو حلو

٤٣. أول عشرة من شباط لف العجوز بالبساط

٤٤. بين شباط وآدار بتفضى الجرار

٤٥. سأل آدار شباط كيف تركت الناس

٤٦. متل شباط بيعير وبيستعير وبيضل ناقص

على فكرة هالسنة سنة كبيس يعني هالشهر رح يكون ٢٩ نهار وهالحدث المميز بيتكرر كل ٤ سنين. يعني لازم تعملوا أمنية نهار ٢٩ وبقولوا شو ما كانت الأمنية بتتحقق!

شوفوا كمان، ٩ عبارات مهضومين علمنا ياها جدو وشو بتعني!