لقينالكن أحلى ١٢ كافيه بشارع الجميزة!

اليوم مشوارنا بيروتي بإمتياز، رح ناخدكن على واحد من أجمل شوارع بيروت التاريخية: شارع الجميزة. هالشارع يعتبر أطول شارع ببيروت، وبترجع تسميتو لشجر “الجميز” اللي كان متواجد بكترة بهالحي من المدينة. مشوا معنا نتعرف شو فيه قصص حلوة ومخباية بهالشارع. يلا نشوف ١٢ كافيه بشارع الجميزة. 

1. Levant

إذا عبالكن تعيشوا الجو البيروتي القديم، هالكافيه رح تنغرموا فيه وبكل تفاصيله. بديكور ع الدقة القديمة ونقشات بيروتية، بتدوقوا بهالكافيه أطيب الحلويات الشرقية متل حلاوة جبن، الصفوف، الداعوقية ع فنجان قهوة عربية غير شكل. 

2. كافيه كُنافة 1881 

هالكافيه مثالي لتجربوا الكنافة بطعم إستثنائي مع رشفة قهوة غنية! 

الرقم: 588 118 03 

3. بن

لمحبي القهوة المختصة، كافيه بن بيقدملكن ألذ قهوة وبجودة عالية، كلو ع قعدة مهضومة ورايقة بالجميزة. 

4. حشيشة قلبي

إذا انتو من عشاق الأعشاب والخلطات الطبيعية، كافيه حشيشة قلبي بيقدملكن فنجان شاي دافي معمول من مختلف الأعشاب الجبلية، وع جنبو تحلاية بيتوتية طيبة. 

الرقم: 777 738 03

5. Sip

هالكافيه بيتميز بقعدة رايقة وقهوة مختصة لكل اللي عم يفتش ع مطرح يشتغل أو يدرس فيه ع رواق. 

الرقم: 569 567 01 

6. Neighbourhood

إعزموا أصحابكن ع أطيب فنجان قهوة عند Neighbourhood! دردشوا وخلوا الأحاديث تاخذكن وتجيبكن مع ألذ تحلاية كيك بالشوكولا. 

الرقم: 184 446 01

7. Urbanista

ممكن عبالكن سناك خفيفة ولذيذة مع مشروبات منعشة أو دافية، و Urbanista كافيه مثالي لهيك جو لطيف. 

8. Dripd

محبي القهوة المتلجة كتير رح يعجبن كافيه Dripd! 

9. Cyrano

بحال عبالكن برانش طيب، قهوة غنية، أو محل مهضوم لتسهروا مع أصحابكن، كافيه Cyrano مطرح مليان حياة وعندو جو حلو لكل قعداتكن. 

الرقم: 114 166 71 

10. Moon’s

مونز كافيه بيتميز بالأجواء اللطيفة والتفاصيل الفنية بالجميزة! وممكن من أهضم إختراعاتن هي كبسة طربوش، عبارة عن قهوة إسبرسو والطربوش بنفس الوقت! 

11. Aaliya’s Books

عبالكن قهوة إستثنائية انتو وعم تقروا كتاب ع رواق؟ أو سهرة ممتعة مع كاس نبيد؟ أو حتى عروضات فنية و موسيقية وكوميدية؟ هالكافيه المميز بالجميزة بيجمعلكن المتعة والثقافة والمشروبات الطيبة بمطرح واحد! 

الرقم: 162 245 81 – 375 566 01

12. The Barn

بلاقوا عند ذا بارن أطيب المأكولات الصحية والسناكات الخفيفة لتعطيكن نشاط كل النهار ببيروت!

الرقم: 902 449 81

شوفوا كمان، أحلى ٦ كافيهات بشارع الحمرا