٧ من أغرب المباني الموجودة بلبنان!

لبنان مليان عجايب غرايب! من أحجار عمرها آلاف السنين، لبيوت غريبة الشكل، لأماكن ساحرة الجمال، لبنان فيو كل شي!

ب هالمقال رح نحكيلكن عن ٧ مباني تعتبر من أغرب المباني بلبنان.

١. بيت الفنان

بيت الفنان بضيعة رشانا عبارة عن تحفة فنية بحد ذاتو، مبني على شكل حبة فطر وبالحديقة لي جنبو بتلاقوا منحوتات كبيرة الأحجام

بيت الفنان مش بس جنة بتنسيكن كل هموم الدني، بتنزلوا عالحديقة وبتتفرجوا على البحر من فوق وبتحسوا حالكن بشي بلد تاني!

٢. حوض السمك المهجور

يعتبر من أغرب المباني لي ممكن تشوفوها بالبترون شكلو مدور وبصير بيعرض من فوق لتحت.

كان مفروض يكون أكبر معرض بحري بلبنان بس للأسف الحرب وقفت المشروع، بلش بنائو بالستينات وتوقف فجأة واليوم صار مهجور

.بقلب هالمحل بتلاقوا رسومات غرافيتي وصور للفن الحديث، غير هيك مغيب الشمس من هالنقطة بتخطف القلب

٣. بيت الطيارة

بيت الطيارة هوي بيت غريب الشكل بقلب ضيعة مزيارة على شكل طايارة إيرباص A380، ويعتبر من أغرب المباني بلبنان

بس تتفرجوا علي بتحسوا حالكن طايرين بالسما عم تشوفوا مزيارة من تحتكن

٤. قصر الأحلام

هوي قصر متل قصور الأميرات ببلدة بخعون بالضنية وهوي عبارة عن قصر مفروش بالبحص ومزين بالزهور والشجر

وهوي مكان رائع للمشي والاستكشاف بتحسوا حالكن رايحين ع ديزني لاند

٥. بيت الهرم

بيت الهرم هوي من العجايب العمارية بضيعة مزيارة الحلوة

هوي مبني على شكل هرم، بيت غريب عجيب ما شفتوا متلو!

بيحكي حكايات الفراعنة والكنوز المخباية، كتير رح يسحركن

٦. المعبد اليوناني

عجايب مزيارة ما بتخلص! هالبيت بيعتبر من أغرب المباني العمارية بلبنان

بتشوفوا المعبد وبتحسوا حالكن سافرتوا على أتينا القديمة، عم تسمعوا صلوات الكهنة وترامي قرابين الألهة

٧. بيت الجزيرة الزغيرة

بيت زغير بيشبه جزيرة بقلب بحيرة تعنايل بالبقاع

بحيرة زرقا بتلمع تحت الشمس بس شوفوا شو في جواتها: بيت قرميد زغتور متل السقيفة وهوي بيت للبطات

^{Credits: We Are Lebanon}

شوفوا كمان، بنص الشتوية: ١٠ شغلات تعملوها بضيعة حراجل.