١٠ مطاعم لتجربة عشا ببيروت مكنكنة ودافية

هل انتو من محبي العشوات الدافية و القعدات المكنكنة بالشتوية؟ بحال عم تبرموا ع مطرح مميز لعشا رومانسي أو ضهرة مع أصحابكن بالليل، برمنا أجمل شوارع بيروت ولقينالكن ١٠ مطاعم لتجربة عشا ببيروت مكنكنة ودافية.

1. The Wooden Cellar، مار ميخايل

هالمطعم الرومانسي بيتميز بالديكور الخشب الكلاسيكي و الأجواء المكنكنة، مناسب لعشا حميمي مع الشريك أو سهرة مع أصحابكن بمار ميخايل. بتستمتعوا عندو بأطيب المأكولات الفرنسية و الأطباق الإيطالية، وحتى بتلاقوا ليالي راكليت وفوندو مع نبيد (بس لازم تتصلوا قبل). 

الرقم: 392 808 76 

2. East Village، بدارو

هالمطعم المحبوب بشارع بدارو معروف بالقعدة مكنكنة وطبق الستيك المميز مع البطاطا والخضرة. وإذا في شي عندو ضروري تجربوا بهالطقس البرود هو شوربة البصل اللي بيعملها. 

الرقم: 386 838 76

3. Fin Faim Bistro Bar، سرسق

بتلاقوا بهالمطعم الفرنسي الجو الكلاسيكي المرتب اللي رح يحسسّكن بالدفى من جوا. بيقدم مختلف الأطباق الفرنسي مع تشكيلة مميزة من النبيد (خصوصي النبيد الأحمر)، أطباق الجبنة واللحمة، الستيك، كما بيتميزوا بمنيو موسمية فيها أطيب وأدفى الأطباق الشتوية للغدا أو العشا. للصراحة، مننصحكن تجربوا هالمطعم للمواعيد الغرامية والعشوات الرومانسية. 

الرقم: 055 550 70

4. Metropole، مينا الحصن

هالمطعم رح ياخدكن على المطبخ الفرنسي و الأميريكي لتجربوا أجود وألذ النكهات الغنية. إختاروا عشا من  أطباق Mussels،، سباغيتي البرغر الأميريكي، سلطات إستثنائية، مع كاس نبيد. وأكيد ما تنسوا تحلاية شوكولا الفاخرة. 

الرقم: 938 999 01

5. L’autre Bistro، الحمرا

قعدة رومانسية، جو كلاسيكي، والأكل الدافي انجمعوا عند هالمطعم والبار المكنكن بالحمرا. رح تستأنسوا بعشا رومانسي خاص مع أطيب كاس نبيد. 

الرقم: 501 742 01

6. ماريو إي ماريو، مار ميخايل 

عند ماريو إي ماريو رح بتجربوا أطباق إيطالية ع أصولها. هالمطرح بيجمع الطعمة الإيطالية التقليدية على جو بيتوتي مكنكن رومانسي. دوقوا عند أطيب بيتزا مارغريتا ع الحطب وأطباق الباستا مع مأكولات البحرية لطعم مميز. 

الرقم: 036 444 01 

7. Couqley، الجميزة

عيشوا الأجواء الفرنسية الدافية على عشا غير شكل من قلب مطعم Couqley بشارع الجميزة. 

عندو طبق ستيك مع بطاطا ونبيد أحمر أبداً ما بيتفوت، طري ومغرق بالصوص وع جنبو البطاطا المقلية. 

الرقم: 904 912 81

8. Mayrig، الجميزة

ما في أدفى من الأكل الأرمني والتوابل الحرّة بهالسقعة! وهالمطعم الأصيل بالجميزة بيجبلكن أطيب أطباق أرمينيا على جو بيتوتي، متل طبق المانتي، والمحمرة، وأكيد البسطرمة الشهية. 

الرقم: 227 228 03

9. دار الوردية، الحمرا

ما رح بتلاقوا كنكنة متل اللي عند دار الوردية بالحمرا! بيت بيروتي قديم صار مطعم وكافيه بيقدملكن أطيب الأطباق التقليدي اللبنانية والسهريات الدافية. 

الرقم: 372 233 71

10. La Ménagerie، الأشرفية وكليمنصو

أطباق عالمية، ومنيو بطعمات إستثنائية مع أجواء مورّدة كلاسيكية وكاس نبيد، بدكن أحلى من هيك فكرة عشا ببيروت؟ 

الرقم: 499 500 71 (الأشرفية) – 671 888 81 (كليمنصو)

خبرونا، أي مطرح رح بتجربوا عشا ببيروت كلو كنكنة ودفى.

شوفوا كمان،١٥ مطعم لتدوقوا فوندو الجبنة الدايبة هالشتوية بلبنان