لقينا أتقل بيتزا وأطول لفة بلبنان عند هالمحل!

زهقتوا من نفس الأكل ومن نفس المحلات؟ عبالكن تجربوا شي جديد وبشبع منيح؟ اليوم رح نعرفكن على محل مهضوم إسمو نار عم بحضر أتقل بيتزا بكل لبنان وأطول سندويش wrap أو لفة بكل البلد.

كل شي عند هالمحل كبير وبشبع كتير من السندويشات للبيتزا والفراريج واللفات.

سندويش الwrap طولها 45 سم ووزنها كيلو محشية مكونات بتشهي ومشوية منيح على النار، من الأصناف لي بلفوها: الكفتا، الطاووق، الدجاج، السجق، المقانق، الستيك، التونا، الساب مارين وحتى البيتزا بلفوها لف من النار على معدتكن دغري… منظر وطعمة ولا أطيب من هيك.

أما أكبر وأتقل بيتزا بلبنان، قصتها قصة… فيها أكتر من 600 غرام جبنة ووزنها 2 كيلو ومحشية مكونات طازة وخفيفة يعني عنجد كل قطعة بتشهي أكتر من التانية.

^{Credits: yummylebanon}

مش بس هيك هالمحل عندو مشاوي على أنواعها وأطيب فروج مشوي على الفحم مع توم كتير وكبيس وبطاطا مشوية وأطباق المازة اللبنانية الشهية على أنواعها من الحمص لعرايس الكفتا، للمقانق والسجق، الكفتا مع دبس الرمان، وغيرن كتير كمان.

رح تنغرموا بقديش كل كدشة بتكون طازة وبسيطة، بخبزة طيبة ومكونات أطيب.

لما تزوروا نار، اللفات والمشاوي رح تذكركن بأيام طرابلس الزمن الجميل من ورا اللقمة الطيبة، النضافة، اللحمة الطرية والسعر الحلو.

زوروهن بفرعن الأول بطرابلس: 424 624 06 أو بفرعن التاني بجامعة البلمند: 966 960 81.

شوفوا كمان، حلو مميز تجربوه بلبنان: بقلاوة ع شوكولا!